| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
ਅવਨ੍ਦਿਯਾਦਿਪੁਗ੍ਗਲਾ
Avandiyādipuggalā
੩੧੨. ‘‘ਦਸਯਿਮੇ , ਭਿਕ੍ਖવੇ, ਅવਨ੍ਦਿਯਾ – ਪੁਰੇ ਉਪਸਮ੍ਪਨ੍ਨੇਨ ਪਚ੍ਛਾ ਉਪਸਮ੍ਪਨ੍ਨੋ ਅવਨ੍ਦਿਯੋ, ਅਨੁਪਸਮ੍ਪਨ੍ਨੋ ਅવਨ੍ਦਿਯੋ, ਨਾਨਾਸਂવਾਸਕੋ વੁਡ੍ਢਤਰੋ ਅਧਮ੍ਮવਾਦੀ ਅવਨ੍ਦਿਯੋ, ਮਾਤੁਗਾਮੋ ਅવਨ੍ਦਿਯੋ, ਪਣ੍ਡਕੋ ਅવਨ੍ਦਿਯੋ, ਪਾਰਿવਾਸਿਕੋ ਅવਨ੍ਦਿਯੋ, ਮੂਲਾਯਪਟਿਕਸ੍ਸਨਾਰਹੋ ਅવਨ੍ਦਿਯੋ, ਮਾਨਤ੍ਤਾਰਹੋ ਅવਨ੍ਦਿਯੋ, ਮਾਨਤ੍ਤਚਾਰਿਕੋ ਅવਨ੍ਦਿਯੋ, ਅਬ੍ਭਾਨਾਰਹੋ ਅવਨ੍ਦਿਯੋ। ਇਮੇ ਖੋ, ਭਿਕ੍ਖવੇ, ਦਸ ਅવਨ੍ਦਿਯਾ।
312. ‘‘Dasayime , bhikkhave, avandiyā – pure upasampannena pacchā upasampanno avandiyo, anupasampanno avandiyo, nānāsaṃvāsako vuḍḍhataro adhammavādī avandiyo, mātugāmo avandiyo, paṇḍako avandiyo, pārivāsiko avandiyo, mūlāyapaṭikassanāraho avandiyo, mānattāraho avandiyo, mānattacāriko avandiyo, abbhānāraho avandiyo. Ime kho, bhikkhave, dasa avandiyā.
‘‘ਤਯੋਮੇ, ਭਿਕ੍ਖવੇ, વਨ੍ਦਿਯਾ – ਪਚ੍ਛਾ ਉਪਸਮ੍ਪਨ੍ਨੇਨ ਪੁਰੇ ਉਪਸਮ੍ਪਨ੍ਨੋ વਨ੍ਦਿਯੋ, ਨਾਨਾਸਂવਾਸਕੋ વੁਡ੍ਢਤਰੋ ਧਮ੍ਮવਾਦੀ વਨ੍ਦਿਯੋ, ਸਦੇવਕੇ ਭਿਕ੍ਖવੇ ਲੋਕੇ ਸਮਾਰਕੇ ਸਬ੍ਰਹ੍ਮਕੇ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਤਥਾਗਤੋ ਅਰਹਂ ਸਮ੍ਮਾਸਮ੍ਬੁਦ੍ਧੋ વਨ੍ਦਿਯੋ। ਇਮੇ ਖੋ, ਭਿਕ੍ਖવੇ, ਤਯੋ વਨ੍ਦਿਯਾ’’ਤਿ।
‘‘Tayome, bhikkhave, vandiyā – pacchā upasampannena pure upasampanno vandiyo, nānāsaṃvāsako vuḍḍhataro dhammavādī vandiyo, sadevake bhikkhave loke samārake sabrahmake sassamaṇabrāhmaṇiyā pajāya sadevamanussāya tathāgato arahaṃ sammāsambuddho vandiyo. Ime kho, bhikkhave, tayo vandiyā’’ti.
