| Library / Tipiṭaka / திபிடக • Tipiṭaka / சூளவக்³க³பாளி • Cūḷavaggapāḷi |
அவந்தி³யாதி³புக்³க³லா
Avandiyādipuggalā
312. ‘‘த³ஸயிமே , பி⁴க்க²வே, அவந்தி³யா – புரே உபஸம்பன்னேன பச்சா² உபஸம்பன்னோ அவந்தி³யோ, அனுபஸம்பன்னோ அவந்தி³யோ, நானாஸங்வாஸகோ வுட்³ட⁴தரோ அத⁴ம்மவாதீ³ அவந்தி³யோ, மாதுகா³மோ அவந்தி³யோ, பண்ட³கோ அவந்தி³யோ, பாரிவாஸிகோ அவந்தி³யோ, மூலாயபடிகஸ்ஸனாரஹோ அவந்தி³யோ, மானத்தாரஹோ அவந்தி³யோ, மானத்தசாரிகோ அவந்தி³யோ, அப்³பா⁴னாரஹோ அவந்தி³யோ. இமே கோ², பி⁴க்க²வே, த³ஸ அவந்தி³யா.
312. ‘‘Dasayime , bhikkhave, avandiyā – pure upasampannena pacchā upasampanno avandiyo, anupasampanno avandiyo, nānāsaṃvāsako vuḍḍhataro adhammavādī avandiyo, mātugāmo avandiyo, paṇḍako avandiyo, pārivāsiko avandiyo, mūlāyapaṭikassanāraho avandiyo, mānattāraho avandiyo, mānattacāriko avandiyo, abbhānāraho avandiyo. Ime kho, bhikkhave, dasa avandiyā.
‘‘தயோமே, பி⁴க்க²வே, வந்தி³யா – பச்சா² உபஸம்பன்னேன புரே உபஸம்பன்னோ வந்தி³யோ, நானாஸங்வாஸகோ வுட்³ட⁴தரோ த⁴ம்மவாதீ³ வந்தி³யோ, ஸதே³வகே பி⁴க்க²வே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய ததா²க³தோ அரஹங் ஸம்மாஸம்பு³த்³தோ⁴ வந்தி³யோ. இமே கோ², பி⁴க்க²வே, தயோ வந்தி³யா’’தி.
‘‘Tayome, bhikkhave, vandiyā – pacchā upasampannena pure upasampanno vandiyo, nānāsaṃvāsako vuḍḍhataro dhammavādī vandiyo, sadevake bhikkhave loke samārake sabrahmake sassamaṇabrāhmaṇiyā pajāya sadevamanussāya tathāgato arahaṃ sammāsambuddho vandiyo. Ime kho, bhikkhave, tayo vandiyā’’ti.
