| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
২১. অত্থিপচ্চযনিদ্দেসৰণ্ণনা
21. Atthipaccayaniddesavaṇṇanā
২১. কুসলাদিৰসেন পঞ্চৰিধো অত্থিপচ্চযো ৰুত্তো, ন নিব্বানং। যো হি অত্থিভাৰাভাৰেন অনুপকারকো অত্থিভাৰং লভিত্ৰা উপকারকো হোতি, সো অত্থিপচ্চযো হোতি। নিব্বানঞ্চ নিব্বানারম্মণানং ন অত্তনো অত্থিভাৰাভাৰেন অনুপকারকং হুত্ৰা অত্থিভাৰলাভেন উপকারকং হোতি। উপ্পাদাদিযুত্তানং ৰা নত্থিভাৰোপকারকতাৰিরুদ্ধো উপকারকভাৰো অত্থিপচ্চযতাতি ন নিব্বানং অত্থিপচ্চযো।
21. Kusalādivasena pañcavidho atthipaccayo vutto, na nibbānaṃ. Yo hi atthibhāvābhāvena anupakārako atthibhāvaṃ labhitvā upakārako hoti, so atthipaccayo hoti. Nibbānañca nibbānārammaṇānaṃ na attano atthibhāvābhāvena anupakārakaṃ hutvā atthibhāvalābhena upakārakaṃ hoti. Uppādādiyuttānaṃ vā natthibhāvopakārakatāviruddho upakārakabhāvo atthipaccayatāti na nibbānaṃ atthipaccayo.
সতি চ যেসং পচ্চযা হোন্তি, তেহি একতো পুরেতরং পচ্ছা চ উপ্পন্নত্তে সহজাতাদিপচ্চযত্তাভাৰতো আহ ‘‘আহারো ইন্দ্রিযঞ্চ সহজাতাদিভেদং ন লভতী’’তি। তদভাৰো চ এতেসং ধম্মসভাৰৰসেন দট্ঠব্বো।
Sati ca yesaṃ paccayā honti, tehi ekato puretaraṃ pacchā ca uppannatte sahajātādipaccayattābhāvato āha ‘‘āhāro indriyañca sahajātādibhedaṃ na labhatī’’ti. Tadabhāvo ca etesaṃ dhammasabhāvavasena daṭṭhabbo.
অত্থিপচ্চযনিদ্দেসৰণ্ণনা নিট্ঠিতা।
Atthipaccayaniddesavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / পট্ঠানপাল়ি • Paṭṭhānapāḷi / (২) পচ্চযনিদ্দেসো • (2) Paccayaniddeso
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২১. অত্থিপচ্চযনিদ্দেসৰণ্ণনা • 21. Atthipaccayaniddesavaṇṇanā
