| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
21. அத்தி²பச்சயனித்³தே³ஸவண்ணனா
21. Atthipaccayaniddesavaṇṇanā
21. குஸலாதி³வஸேன பஞ்சவிதோ⁴ அத்தி²பச்சயோ வுத்தோ, ந நிப்³பா³னங். யோ ஹி அத்தி²பா⁴வாபா⁴வேன அனுபகாரகோ அத்தி²பா⁴வங் லபி⁴த்வா உபகாரகோ ஹோதி, ஸோ அத்தி²பச்சயோ ஹோதி. நிப்³பா³னஞ்ச நிப்³பா³னாரம்மணானங் ந அத்தனோ அத்தி²பா⁴வாபா⁴வேன அனுபகாரகங் ஹுத்வா அத்தி²பா⁴வலாபே⁴ன உபகாரகங் ஹோதி. உப்பாதா³தி³யுத்தானங் வா நத்தி²பா⁴வோபகாரகதாவிருத்³தோ⁴ உபகாரகபா⁴வோ அத்தி²பச்சயதாதி ந நிப்³பா³னங் அத்தி²பச்சயோ.
21. Kusalādivasena pañcavidho atthipaccayo vutto, na nibbānaṃ. Yo hi atthibhāvābhāvena anupakārako atthibhāvaṃ labhitvā upakārako hoti, so atthipaccayo hoti. Nibbānañca nibbānārammaṇānaṃ na attano atthibhāvābhāvena anupakārakaṃ hutvā atthibhāvalābhena upakārakaṃ hoti. Uppādādiyuttānaṃ vā natthibhāvopakārakatāviruddho upakārakabhāvo atthipaccayatāti na nibbānaṃ atthipaccayo.
ஸதி ச யேஸங் பச்சயா ஹொந்தி, தேஹி ஏகதோ புரேதரங் பச்சா² ச உப்பன்னத்தே ஸஹஜாதாதி³பச்சயத்தாபா⁴வதோ ஆஹ ‘‘ஆஹாரோ இந்த்³ரியஞ்ச ஸஹஜாதாதி³பே⁴த³ங் ந லப⁴தீ’’தி. தத³பா⁴வோ ச ஏதேஸங் த⁴ம்மஸபா⁴வவஸேன த³ட்ட²ப்³போ³.
Sati ca yesaṃ paccayā honti, tehi ekato puretaraṃ pacchā ca uppannatte sahajātādipaccayattābhāvato āha ‘‘āhāro indriyañca sahajātādibhedaṃ na labhatī’’ti. Tadabhāvo ca etesaṃ dhammasabhāvavasena daṭṭhabbo.
அத்தி²பச்சயனித்³தே³ஸவண்ணனா நிட்டி²தா.
Atthipaccayaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / பட்டா²னபாளி • Paṭṭhānapāḷi / (2) பச்சயனித்³தே³ஸோ • (2) Paccayaniddeso
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 21. அத்தி²பச்சயனித்³தே³ஸவண்ணனா • 21. Atthipaccayaniddesavaṇṇanā
