| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༧. ཨཱནཱཔཱནཝགྒོ
7. Ānāpānavaggo
༡. ཨཊྛིཀམཧཔྥལསུཏྟཱདིཝཎྞནཱ
1. Aṭṭhikamahapphalasuttādivaṇṇanā
༢༣༨. སཏྟམཱདཱིསུ ཨཊྛིཀསཉྙཱཏི ཨཊྛིཀཾ ཨཊྛིཀནྟི བྷཱཝེནྟསྶ ཨུཔྤནྣསཉྙཱ། ཏཾ པནེཏཾ བྷཱཝཡཏོ ཡཱཝ ནིམིཏྟཾ ན ཨུཔྤཛྫཏི, ཏཱཝ ཚཝིཔི ཙམྨམྤི ཨུཔཊྛཱཏི། ནིམིཏྟེ པན ཨུཔྤནྣེ ཚཝིཙམྨཱནི ནེཝ ཨུཔཊྛཧནྟི, སངྑཝཎྞོ སུདྡྷཨཊྛིཀསངྒྷཱཊོཝ ཨུཔཊྛཱཏི ཧཏྠིཀྑནྡྷགཏཾ དྷམྨིཀཏིསྶརཱཛཱནཾ ཨོལོཀེནྟསྶ སཱམཎེརསྶ ཝིཡ, པཊིམགྒེ ཧསམཱནཾ ཨིཏྠིཾ ཨོལོཀེནྟསྶ ཙེཏིཡཔབྦཏཝཱསིནོ ཏིསྶཏྠེརསྶ ཝིཡ ཙཱཏི། ཝཏྠཱུནི ཝིསུདྡྷིམགྒེ (ཝིསུདྡྷི॰ ༡.༡༥) ཝིཏྠཱརིཏཱནི། སཏི ཝཱ ཨུཔཱདིསེསེཏི གཧཎསེསེ ཨུཔཱདཱནསེསེ ཝིཛྫམཱནམྷི།
238. Sattamādīsu aṭṭhikasaññāti aṭṭhikaṃ aṭṭhikanti bhāventassa uppannasaññā. Taṃ panetaṃ bhāvayato yāva nimittaṃ na uppajjati, tāva chavipi cammampi upaṭṭhāti. Nimitte pana uppanne chavicammāni neva upaṭṭhahanti, saṅkhavaṇṇo suddhaaṭṭhikasaṅghāṭova upaṭṭhāti hatthikkhandhagataṃ dhammikatissarājānaṃ olokentassa sāmaṇerassa viya, paṭimagge hasamānaṃ itthiṃ olokentassa cetiyapabbatavāsino tissattherassa viya cāti. Vatthūni visuddhimagge (visuddhi. 1.15) vitthāritāni. Sati vā upādiseseti gahaṇasese upādānasese vijjamānamhi.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. ཨཊྛིཀམཧཔྥལསུཏྟཾ • 1. Aṭṭhikamahapphalasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. ཨཊྛིཀམཧཔྥལསུཏྟཱདིཝཎྞནཱ • 1. Aṭṭhikamahapphalasuttādivaṇṇanā
