| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৭. আনাপানৰগ্গো
7. Ānāpānavaggo
১. অট্ঠিকমহপ্ফলসুত্তাদিৰণ্ণনা
1. Aṭṭhikamahapphalasuttādivaṇṇanā
২৩৮. সত্তমাদীসু অট্ঠিকসঞ্ঞাতি অট্ঠিকং অট্ঠিকন্তি ভাৰেন্তস্স উপ্পন্নসঞ্ঞা। তং পনেতং ভাৰযতো যাৰ নিমিত্তং ন উপ্পজ্জতি, তাৰ ছৰিপি চম্মম্পি উপট্ঠাতি। নিমিত্তে পন উপ্পন্নে ছৰিচম্মানি নেৰ উপট্ঠহন্তি, সঙ্খৰণ্ণো সুদ্ধঅট্ঠিকসঙ্ঘাটোৰ উপট্ঠাতি হত্থিক্খন্ধগতং ধম্মিকতিস্সরাজানং ওলোকেন্তস্স সামণেরস্স ৰিয, পটিমগ্গে হসমানং ইত্থিং ওলোকেন্তস্স চেতিযপব্বতৰাসিনো তিস্সত্থেরস্স ৰিয চাতি। ৰত্থূনি ৰিসুদ্ধিমগ্গে (ৰিসুদ্ধি॰ ১.১৫) ৰিত্থারিতানি। সতি ৰা উপাদিসেসেতি গহণসেসে উপাদানসেসে ৰিজ্জমানম্হি।
238. Sattamādīsu aṭṭhikasaññāti aṭṭhikaṃ aṭṭhikanti bhāventassa uppannasaññā. Taṃ panetaṃ bhāvayato yāva nimittaṃ na uppajjati, tāva chavipi cammampi upaṭṭhāti. Nimitte pana uppanne chavicammāni neva upaṭṭhahanti, saṅkhavaṇṇo suddhaaṭṭhikasaṅghāṭova upaṭṭhāti hatthikkhandhagataṃ dhammikatissarājānaṃ olokentassa sāmaṇerassa viya, paṭimagge hasamānaṃ itthiṃ olokentassa cetiyapabbatavāsino tissattherassa viya cāti. Vatthūni visuddhimagge (visuddhi. 1.15) vitthāritāni. Sati vā upādiseseti gahaṇasese upādānasese vijjamānamhi.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. অট্ঠিকমহপ্ফলসুত্তং • 1. Aṭṭhikamahapphalasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. অট্ঠিকমহপ্ফলসুত্তাদিৰণ্ণনা • 1. Aṭṭhikamahapphalasuttādivaṇṇanā
