| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੭. ਸਤ੍ਤਰਸਮવਗ੍ਗੋ
17. Sattarasamavaggo
੧. ਅਤ੍ਥਿ ਅਰਹਤੋ ਪੁਞ੍ਞੂਪਚਯਕਥਾવਣ੍ਣਨਾ
1. Atthi arahato puññūpacayakathāvaṇṇanā
੭੭੬-੭੭੯. ਇਦਾਨਿ ਅਤ੍ਥਿ ਅਰਹਤੋ ਪੁਞ੍ਞੂਪਚਯੋਤਿਕਥਾ ਨਾਮ ਹੋਤਿ। ਤਤ੍ਥ ਯੇਸਂ ਅਰਹਤੋ ਦਾਨਸਂવਿਭਾਗਚੇਤਿਯવਨ੍ਦਨਾਦੀਨਿ ਕਮ੍ਮਾਨਿ ਦਿਸ੍વਾ ਅਤ੍ਥਿ ਅਰਹਤੋ ਪੁਞ੍ਞੂਪਚਯੋਤਿ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਅਰਹਾ ਨਾਮ ਪਹੀਨਪੁਞ੍ਞਪਾਪੋ, ਸੋ ਯਦਿ ਪੁਞ੍ਞਂ ਕਰੇਯ੍ਯ, ਪਾਪਮ੍ਪਿ ਕਰੇਯ੍ਯਾ’’ਤਿ ਚੋਦੇਤੁਂ ਅਪੁਞ੍ਞੂਪਚਯੋਤਿ ਆਹ। ਇਤਰੋ ਪਾਣਾਤਿਪਾਤਾਦਿਕਿਰਿਯਂ ਅਪਸ੍ਸਨ੍ਤੋ ਪਟਿਕ੍ਖਿਪਤਿ। ਪੁਞ੍ਞਾਭਿਸਙ੍ਖਾਰਨ੍ਤਿਆਦੀਸੁ ਭવਗਾਮਿਕਮ੍ਮਂ ਅਰਹਤੋ ਨਤ੍ਥੀਤਿ ਪਟਿਕ੍ਖਿਪਤਿ। ਦਾਨਂ ਦਦੇਯ੍ਯਾਤਿਆਦੀਸੁ ਕਿਰਿਯਚਿਤ੍ਤੇਨ ਦਾਨਾਦਿਪવਤ੍ਤਿਸਬ੍ਭਾવਤੋ ਸਕવਾਦੀ ਪਟਿਜਾਨਾਤਿ। ਇਤਰੋ ਚਿਤ੍ਤਂ ਅਨਾਦਿਯਿਤ੍વਾ ਕਿਰਿਯਾਪવਤ੍ਤਿਮਤ੍ਤਦਸ੍ਸਨੇਨੇવ ਲਦ੍ਧਿਂ ਪਤਿਟ੍ਠਪੇਤਿ। ਸਾ ਪਨ ਅਯੋਨਿਸੋ ਪਤਿਟ੍ਠਾਪਿਤਤ੍ਤਾ ਅਪ੍ਪਤਿਟ੍ਠਾਪਿਤਾ ਹੋਤੀਤਿ।
776-779. Idāni atthi arahato puññūpacayotikathā nāma hoti. Tattha yesaṃ arahato dānasaṃvibhāgacetiyavandanādīni kammāni disvā atthi arahato puññūpacayoti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘arahā nāma pahīnapuññapāpo, so yadi puññaṃ kareyya, pāpampi kareyyā’’ti codetuṃ apuññūpacayoti āha. Itaro pāṇātipātādikiriyaṃ apassanto paṭikkhipati. Puññābhisaṅkhārantiādīsu bhavagāmikammaṃ arahato natthīti paṭikkhipati. Dānaṃ dadeyyātiādīsu kiriyacittena dānādipavattisabbhāvato sakavādī paṭijānāti. Itaro cittaṃ anādiyitvā kiriyāpavattimattadassaneneva laddhiṃ patiṭṭhapeti. Sā pana ayoniso patiṭṭhāpitattā appatiṭṭhāpitā hotīti.
ਅਤ੍ਥਿ ਅਰਹਤੋ ਪੁਞ੍ਞੂਪਚਯੋਤਿਕਥਾવਣ੍ਣਨਾ।
Atthi arahato puññūpacayotikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੬੬) ੧. ਅਰਹਤੋ ਪੁਞ੍ਞੂਪਚਯਕਥਾ • (166) 1. Arahato puññūpacayakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਅਤ੍ਥਿਅਰਹਤੋਪੁਞ੍ਞੂਪਚਯਕਥਾવਣ੍ਣਨਾ • 1. Atthiarahatopuññūpacayakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਅਤ੍ਥਿਅਰਹਤੋਪੁਞ੍ਞੂਪਚਯਕਥਾવਣ੍ਣਨਾ • 1. Atthiarahatopuññūpacayakathāvaṇṇanā
