| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೧೭. ಸತ್ತರಸಮವಗ್ಗೋ
17. Sattarasamavaggo
೧. ಅತ್ಥಿ ಅರಹತೋ ಪುಞ್ಞೂಪಚಯಕಥಾವಣ್ಣನಾ
1. Atthi arahato puññūpacayakathāvaṇṇanā
೭೭೬-೭೭೯. ಇದಾನಿ ಅತ್ಥಿ ಅರಹತೋ ಪುಞ್ಞೂಪಚಯೋತಿಕಥಾ ನಾಮ ಹೋತಿ। ತತ್ಥ ಯೇಸಂ ಅರಹತೋ ದಾನಸಂವಿಭಾಗಚೇತಿಯವನ್ದನಾದೀನಿ ಕಮ್ಮಾನಿ ದಿಸ್ವಾ ಅತ್ಥಿ ಅರಹತೋ ಪುಞ್ಞೂಪಚಯೋತಿ ಲದ್ಧಿ, ಸೇಯ್ಯಥಾಪಿ ಅನ್ಧಕಾನಂ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಅಥ ನಂ ‘‘ಅರಹಾ ನಾಮ ಪಹೀನಪುಞ್ಞಪಾಪೋ, ಸೋ ಯದಿ ಪುಞ್ಞಂ ಕರೇಯ್ಯ, ಪಾಪಮ್ಪಿ ಕರೇಯ್ಯಾ’’ತಿ ಚೋದೇತುಂ ಅಪುಞ್ಞೂಪಚಯೋತಿ ಆಹ। ಇತರೋ ಪಾಣಾತಿಪಾತಾದಿಕಿರಿಯಂ ಅಪಸ್ಸನ್ತೋ ಪಟಿಕ್ಖಿಪತಿ। ಪುಞ್ಞಾಭಿಸಙ್ಖಾರನ್ತಿಆದೀಸು ಭವಗಾಮಿಕಮ್ಮಂ ಅರಹತೋ ನತ್ಥೀತಿ ಪಟಿಕ್ಖಿಪತಿ। ದಾನಂ ದದೇಯ್ಯಾತಿಆದೀಸು ಕಿರಿಯಚಿತ್ತೇನ ದಾನಾದಿಪವತ್ತಿಸಬ್ಭಾವತೋ ಸಕವಾದೀ ಪಟಿಜಾನಾತಿ। ಇತರೋ ಚಿತ್ತಂ ಅನಾದಿಯಿತ್ವಾ ಕಿರಿಯಾಪವತ್ತಿಮತ್ತದಸ್ಸನೇನೇವ ಲದ್ಧಿಂ ಪತಿಟ್ಠಪೇತಿ। ಸಾ ಪನ ಅಯೋನಿಸೋ ಪತಿಟ್ಠಾಪಿತತ್ತಾ ಅಪ್ಪತಿಟ್ಠಾಪಿತಾ ಹೋತೀತಿ।
776-779. Idāni atthi arahato puññūpacayotikathā nāma hoti. Tattha yesaṃ arahato dānasaṃvibhāgacetiyavandanādīni kammāni disvā atthi arahato puññūpacayoti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘arahā nāma pahīnapuññapāpo, so yadi puññaṃ kareyya, pāpampi kareyyā’’ti codetuṃ apuññūpacayoti āha. Itaro pāṇātipātādikiriyaṃ apassanto paṭikkhipati. Puññābhisaṅkhārantiādīsu bhavagāmikammaṃ arahato natthīti paṭikkhipati. Dānaṃ dadeyyātiādīsu kiriyacittena dānādipavattisabbhāvato sakavādī paṭijānāti. Itaro cittaṃ anādiyitvā kiriyāpavattimattadassaneneva laddhiṃ patiṭṭhapeti. Sā pana ayoniso patiṭṭhāpitattā appatiṭṭhāpitā hotīti.
ಅತ್ಥಿ ಅರಹತೋ ಪುಞ್ಞೂಪಚಯೋತಿಕಥಾವಣ್ಣನಾ।
Atthi arahato puññūpacayotikathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೬೬) ೧. ಅರಹತೋ ಪುಞ್ಞೂಪಚಯಕಥಾ • (166) 1. Arahato puññūpacayakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧. ಅತ್ಥಿಅರಹತೋಪುಞ್ಞೂಪಚಯಕಥಾವಣ್ಣನಾ • 1. Atthiarahatopuññūpacayakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧. ಅತ್ಥಿಅರಹತೋಪುಞ್ಞೂಪಚಯಕಥಾವಣ್ಣನಾ • 1. Atthiarahatopuññūpacayakathāvaṇṇanā
