| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਅਟ੍ਠਸਤਸੁਤ੍ਤਂ
2. Aṭṭhasatasuttaṃ
੨੭੦. ‘‘ਅਟ੍ਠਸਤਪਰਿਯਾਯਂ વੋ, ਭਿਕ੍ਖવੇ, ਧਮ੍ਮਪਰਿਯਾਯਂ ਦੇਸੇਸ੍ਸਾਮਿ। ਤਂ ਸੁਣਾਥ। ਕਤਮੋ ਚ, ਭਿਕ੍ਖવੇ, ਅਟ੍ਠਸਤਪਰਿਯਾਯੋ, ਧਮ੍ਮਪਰਿਯਾਯੋ? ਦ੍વੇਪਿ ਮਯਾ, ਭਿਕ੍ਖવੇ, વੇਦਨਾ વੁਤ੍ਤਾ ਪਰਿਯਾਯੇਨ; ਤਿਸ੍ਸੋਪਿ ਮਯਾ વੇਦਨਾ વੁਤ੍ਤਾ ਪਰਿਯਾਯੇਨ; ਪਞ੍ਚਪਿ ਮਯਾ વੇਦਨਾ વੁਤ੍ਤਾ ਪਰਿਯਾਯੇਨ; ਛਪਿ ਮਯਾ વੇਦਨਾ વੁਤ੍ਤਾ ਪਰਿਯਾਯੇਨ; ਅਟ੍ਠਾਰਸਾਪਿ ਮਯਾ વੇਦਨਾ વੁਤ੍ਤਾ ਪਰਿਯਾਯੇਨ; ਛਤ੍ਤਿਂਸਾਪਿ ਮਯਾ વੇਦਨਾ વੁਤ੍ਤਾ ਪਰਿਯਾਯੇਨ; ਅਟ੍ਠਸਤਮ੍ਪਿ ਮਯਾ વੇਦਨਾ વੁਤ੍ਤਾ ਪਰਿਯਾਯੇਨ। ‘‘ਕਤਮਾ ਚ, ਭਿਕ੍ਖવੇ, ਦ੍વੇ વੇਦਨਾ? ਕਾਯਿਕਾ ਚ ਚੇਤਸਿਕਾ ਚ – ਇਮਾ વੁਚ੍ਚਨ੍ਤਿ, ਭਿਕ੍ਖવੇ, ਦ੍વੇ વੇਦਨਾ। ਕਤਮਾ ਚ, ਭਿਕ੍ਖવੇ, ਤਿਸ੍ਸੋ વੇਦਨਾ? ਸੁਖਾ વੇਦਨਾ, ਦੁਕ੍ਖਾ વੇਦਨਾ, ਅਦੁਕ੍ਖਮਸੁਖਾ વੇਦਨਾ – ਇਮਾ વੁਚ੍ਚਨ੍ਤਿ, ਭਿਕ੍ਖવੇ, ਤਿਸ੍ਸੋ વੇਦਨਾ। ਕਤਮਾ ਚ, ਭਿਕ੍ਖવੇ, ਪਞ੍ਚ વੇਦਨਾ? ਸੁਖਿਨ੍ਦ੍ਰਿਯਂ, ਦੁਕ੍ਖਿਨ੍ਦ੍ਰਿਯਂ, ਸੋਮਨਸ੍ਸਿਨ੍ਦ੍ਰਿਯਂ, ਦੋਮਨਸ੍ਸਿਨ੍ਦ੍ਰਿਯਂ, ਉਪੇਕ੍ਖਿਨ੍ਦ੍ਰਿਯਂ – ਇਮਾ વੁਚ੍ਚਨ੍ਤਿ, ਭਿਕ੍ਖવੇ, ਪਞ੍ਚ વੇਦਨਾ। ਕਤਮਾ ਚ, ਭਿਕ੍ਖવੇ, ਛ વੇਦਨਾ? ਚਕ੍ਖੁਸਮ੍ਫਸ੍ਸਜਾ વੇਦਨਾ…ਪੇ॰… ਮਨੋਸਮ੍ਫਸ੍ਸਜਾ વੇਦਨਾ – ਇਮਾ વੁਚ੍ਚਨ੍ਤਿ, ਭਿਕ੍ਖવੇ, ਛ વੇਦਨਾ। ਕਤਮਾ ਚ, ਭਿਕ੍ਖવੇ, ਅਟ੍ਠਾਰਸ વੇਦਨਾ? ਛ ਸੋਮਨਸ੍ਸੂਪવਿਚਾਰਾ, ਛ ਦੋਮਨਸ੍ਸੂਪવਿਚਾਰਾ, ਛ ਉਪੇਕ੍ਖੂਪવਿਚਾਰਾ – ਇਮਾ વੁਚ੍ਚਨ੍ਤਿ, ਭਿਕ੍ਖવੇ, ਅਟ੍ਠਾਰਸ વੇਦਨਾ। ਕਤਮਾ ਚ, ਭਿਕ੍ਖવੇ, ਛਤ੍ਤਿਂਸ વੇਦਨਾ? ਛ ਗੇਹਸਿਤਾਨਿ 1 ਸੋਮਨਸ੍ਸਾਨਿ, ਛ ਨੇਕ੍ਖਮ੍ਮਸਿਤਾਨਿ 2 ਸੋਮਨਸ੍ਸਾਨਿ, ਛ ਗੇਹਸਿਤਾਨਿ ਦੋਮਨਸ੍ਸਾਨਿ, ਛ ਨੇਕ੍ਖਮ੍ਮਸਿਤਾਨਿ ਦੋਮਨਸ੍ਸਾਨਿ, ਛ ਗੇਹਸਿਤਾ ਉਪੇਕ੍ਖਾ , ਛ ਨੇਕ੍ਖਮ੍ਮਸਿਤਾ ਉਪੇਕ੍ਖਾ – ਇਮਾ વੁਚ੍ਚਨ੍ਤਿ, ਭਿਕ੍ਖવੇ, ਛਤ੍ਤਿਂਸ વੇਦਨਾ। ਕਤਮਞ੍ਚ, ਭਿਕ੍ਖવੇ, ਅਟ੍ਠਸਤਂ વੇਦਨਾ? ਅਤੀਤਾ ਛਤ੍ਤਿਂਸ વੇਦਨਾ, ਅਨਾਗਤਾ ਛਤ੍ਤਿਂਸ વੇਦਨਾ, ਪਚ੍ਚੁਪ੍ਪਨ੍ਨਾ ਛਤ੍ਤਿਂਸ વੇਦਨਾ – ਇਮਾ વੁਚ੍ਚਨ੍ਤਿ, ਭਿਕ੍ਖવੇ, ਅਟ੍ਠਸਤਂ વੇਦਨਾ। ਅਯਂ, ਭਿਕ੍ਖવੇ, ਅਟ੍ਠਸਤਪਰਿਯਾਯੋ ਧਮ੍ਮਪਰਿਯਾਯੋ’’ਤਿ। ਦੁਤਿਯਂ।
270. ‘‘Aṭṭhasatapariyāyaṃ vo, bhikkhave, dhammapariyāyaṃ desessāmi. Taṃ suṇātha. Katamo ca, bhikkhave, aṭṭhasatapariyāyo, dhammapariyāyo? Dvepi mayā, bhikkhave, vedanā vuttā pariyāyena; tissopi mayā vedanā vuttā pariyāyena; pañcapi mayā vedanā vuttā pariyāyena; chapi mayā vedanā vuttā pariyāyena; aṭṭhārasāpi mayā vedanā vuttā pariyāyena; chattiṃsāpi mayā vedanā vuttā pariyāyena; aṭṭhasatampi mayā vedanā vuttā pariyāyena. ‘‘Katamā ca, bhikkhave, dve vedanā? Kāyikā ca cetasikā ca – imā vuccanti, bhikkhave, dve vedanā. Katamā ca, bhikkhave, tisso vedanā? Sukhā vedanā, dukkhā vedanā, adukkhamasukhā vedanā – imā vuccanti, bhikkhave, tisso vedanā. Katamā ca, bhikkhave, pañca vedanā? Sukhindriyaṃ, dukkhindriyaṃ, somanassindriyaṃ, domanassindriyaṃ, upekkhindriyaṃ – imā vuccanti, bhikkhave, pañca vedanā. Katamā ca, bhikkhave, cha vedanā? Cakkhusamphassajā vedanā…pe… manosamphassajā vedanā – imā vuccanti, bhikkhave, cha vedanā. Katamā ca, bhikkhave, aṭṭhārasa vedanā? Cha somanassūpavicārā, cha domanassūpavicārā, cha upekkhūpavicārā – imā vuccanti, bhikkhave, aṭṭhārasa vedanā. Katamā ca, bhikkhave, chattiṃsa vedanā? Cha gehasitāni 3 somanassāni, cha nekkhammasitāni 4 somanassāni, cha gehasitāni domanassāni, cha nekkhammasitāni domanassāni, cha gehasitā upekkhā , cha nekkhammasitā upekkhā – imā vuccanti, bhikkhave, chattiṃsa vedanā. Katamañca, bhikkhave, aṭṭhasataṃ vedanā? Atītā chattiṃsa vedanā, anāgatā chattiṃsa vedanā, paccuppannā chattiṃsa vedanā – imā vuccanti, bhikkhave, aṭṭhasataṃ vedanā. Ayaṃ, bhikkhave, aṭṭhasatapariyāyo dhammapariyāyo’’ti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨-੧੦. ਅਟ੍ਠਸਤਸੁਤ੍ਤਾਦਿવਣ੍ਣਨਾ • 2-10. Aṭṭhasatasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੧੦. ਅਟ੍ਠਸਤਸੁਤ੍ਤਾਦਿવਣ੍ਣਨਾ • 2-10. Aṭṭhasatasuttādivaṇṇanā
