| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
39. அத்த²ஸந்த³ஸ்ஸனஞாணனித்³தே³ஸவண்ணனா
39. Atthasandassanañāṇaniddesavaṇṇanā
90. அத்த²ஸந்த³ஸ்ஸனஞாணனித்³தே³ஸே பஞ்சக்க²ந்தா⁴திஆதீ³னி வுத்தத்தா²னேவ. பகாஸேதீதி பாகடங் கரோதி, ஸோதூனங் ஞாணசக்கு²னா த³ஸ்ஸனங் ஸம்பாதே³தீதி அத்தோ². நானாத⁴ம்மாதி லோகியலோகுத்தரா ஸப்³ப³த⁴ம்மா வுத்தா. கஸ்மா பகாஸனானித்³தே³ஸே லோகியா ஏவ வுத்தாதி சே? அனிச்சாதி³வஸேன பகாஸனாய ஆரத்³த⁴த்தா. லோகுத்தரானஞ்ச அஸம்மஸனூபக³த்தா லோகுத்தரா ந வுத்தா. நானாத⁴ம்மனித்³தே³ஸேன பன அத்த²ஸந்த³ஸ்ஸனநித்³தே³ஸேன ச தேஸங் ஸங்க³ஹிதத்தா யதா² தே பகாஸேதப்³பா³, ததா² பகாஸனா பகாஸனாயேவ. பஜஹந்தோதி ஸோதாரங் பஜஹாபெந்தோதி அத்தோ². ஸந்த³ஸ்ஸேதீதி ஸோதூனங் ஸம்மா த³ஸ்ஸேதி. கேசி பன ‘‘காமச்ச²ந்த³ஸ்ஸ பஹீனத்தா நெக்க²ம்மத்த²ங் ஸந்த³ஸ்ஸேதீ’’திஆதி³னா நயேன பட²ந்தி. தேஸங் உஜுகமேவ ஸோதூனங் தோ³ஸப்பஹானே கு³ணபடிலாபே⁴ ச கதே ஸிகா²ப்பத்தங் தே³ஸனாஞாணங் ஹோதீதி த³ஸ்ஸனத்த²ங் அயங் நயோ வுத்தோதி வேதி³தப்³போ³.
90. Atthasandassanañāṇaniddese pañcakkhandhātiādīni vuttatthāneva. Pakāsetīti pākaṭaṃ karoti, sotūnaṃ ñāṇacakkhunā dassanaṃ sampādetīti attho. Nānādhammāti lokiyalokuttarā sabbadhammā vuttā. Kasmā pakāsanāniddese lokiyā eva vuttāti ce? Aniccādivasena pakāsanāya āraddhattā. Lokuttarānañca asammasanūpagattā lokuttarā na vuttā. Nānādhammaniddesena pana atthasandassananiddesena ca tesaṃ saṅgahitattā yathā te pakāsetabbā, tathā pakāsanā pakāsanāyeva. Pajahantoti sotāraṃ pajahāpentoti attho. Sandassetīti sotūnaṃ sammā dasseti. Keci pana ‘‘kāmacchandassa pahīnattā nekkhammatthaṃ sandassetī’’tiādinā nayena paṭhanti. Tesaṃ ujukameva sotūnaṃ dosappahāne guṇapaṭilābhe ca kate sikhāppattaṃ desanāñāṇaṃ hotīti dassanatthaṃ ayaṃ nayo vuttoti veditabbo.
அத்த²ஸந்த³ஸ்ஸனஞாணனித்³தே³ஸவண்ணனா நிட்டி²தா.
Atthasandassanañāṇaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 39. அத்த²ஸந்த³ஸ்ஸனஞாணனித்³தே³ஸோ • 39. Atthasandassanañāṇaniddeso
