| Library / Tipiṭaka / തിപിടക • Tipiṭaka / വജിരബുദ്ധി-ടീകാ • Vajirabuddhi-ṭīkā |
അട്ഠാരസവത്ഥുകഥാവണ്ണനാ
Aṭṭhārasavatthukathāvaṇṇanā
൪൭൩. ന ത്വേവ…പേ॰… പടിബാഹിതബ്ബന്തി വദാമീതി ഏത്ഥ സേനാസനാരഹസ്സ യോ സേനാസനം പടിബാഹതി, തസ്സേവ ആപത്തി ദുക്കടസ്സ. ‘‘കലഹകാരകാദീനമേത്ഥ ഓകാസോ നത്ഥീതിആദികം സങ്ഘസ്സ കതികം വത്വാ തം ന പഞ്ഞാപേന്തസ്സ വാ ‘അഹം ബുദ്ധോ’തി പസയ്ഹ അത്തനാ അത്തനോ പഞ്ഞാപേത്വാ ഗണ്ഹന്തം ‘യുത്തിയാ ഗണ്ഹഥാ’തി വത്വാ വാരേന്തസ്സ വാ ദോസോ നത്ഥി. ഇധ കലഹവൂപസമനത്ഥം ആഗതാനം കോസമ്ബികാനമ്പി ‘യഥാവുഡ്ഢ’ന്തി അവത്വാ ‘വിവിത്തേ അസതി വിവിത്തം കത്വാപി ദാതബ്ബ’ന്തി വുത്തത്താ വിവിത്തം കത്വാ ദേന്തം പടിബാഹേന്തസ്സേവ ആപത്തീതി കിര അയമത്ഥോ പാരിവാസികാദീനം വിഹാരപരിയന്തദാപനേന സാധിതബ്ബോ’’തി ലിഖിതം.
473.Natveva…pe… paṭibāhitabbanti vadāmīti ettha senāsanārahassa yo senāsanaṃ paṭibāhati, tasseva āpatti dukkaṭassa. ‘‘Kalahakārakādīnamettha okāso natthītiādikaṃ saṅghassa katikaṃ vatvā taṃ na paññāpentassa vā ‘ahaṃ buddho’ti pasayha attanā attano paññāpetvā gaṇhantaṃ ‘yuttiyā gaṇhathā’ti vatvā vārentassa vā doso natthi. Idha kalahavūpasamanatthaṃ āgatānaṃ kosambikānampi ‘yathāvuḍḍha’nti avatvā ‘vivitte asati vivittaṃ katvāpi dātabba’nti vuttattā vivittaṃ katvā dentaṃ paṭibāhentasseva āpattīti kira ayamattho pārivāsikādīnaṃ vihārapariyantadāpanena sādhitabbo’’ti likhitaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൨൭൬. അട്ഠാരസവത്ഥുകഥാ • 276. Aṭṭhārasavatthukathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / അട്ഠാരസവത്ഥുകഥാവണ്ണനാ • Aṭṭhārasavatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / അട്ഠാരസവത്ഥുകഥാവണ്ണനാ • Aṭṭhārasavatthukathāvaṇṇanā
