| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-པུརཱཎ-ཊཱིཀཱ • Kaṅkhāvitaraṇī-purāṇa-ṭīkā |
༨. ཨཊྛམཝགྒཝཎྞནཱ
8. Aṭṭhamavaggavaṇṇanā
པཋམདུཏིཡཏཏིཡེསུ ‘‘གིཧིགཏཱ’’ཏི ཝཱ ‘‘ཀུམཱརིབྷཱུཏཱ’’ཏི ཝཱ ན ཝཏྟབྦཱ། ཝདནྟི ཙེ, ཀམྨཾ ཀུཔྤཏི།
Paṭhamadutiyatatiyesu ‘‘gihigatā’’ti vā ‘‘kumāribhūtā’’ti vā na vattabbā. Vadanti ce, kammaṃ kuppati.
ཨེཀཱདསམེ ཚནྡཾ ཨཝིསྶཛྫེཏྭཱཏི ‘‘ཡཐཱསུཁ’’ནྟི ཨཝཏྭཱ། ཨེཏྠ པན ཨཡཾ ཝིནིཙྪཡོ – ‘‘པཱརིཝཱསིཀཚནྡདཱནེནཱ’’ཏི ཨིདཾ ཨུདྡྷརིཏྭཱ ‘‘ཝུཊྛིཏཱཡ པརིསཱཡཱ’’ཏི (པཱཙི॰ ༡༡༦༨) པདབྷཱཛནཾ ཝུཏྟཾ། ཨེཏསྶ པན སམནྟཔཱསཱདིཀཱཡཾ ‘‘ཝུཊྛིཏཱཡ པརིསཱཡཱཏི ཚནྡཾ ཝིསྶཛྫེཏྭཱ ཀཱཡེན ཝཱ ཝཱཙཱཡ ཝཱ ཚནྡཝིསྶཛྫནམཏྟེན ཝཱ ཝུཊྛིཏཱཡཱ’’ཏི (པཱཙི॰ ཨཊྛ॰ ༡༡༦༧) ཝུཏྟཾ། ཨིདྷ ཚནྡསྶ པན ཨཝིསྶཊྛཏྟཱ ཀམྨཾ ཀཱཏུཾ ཝཊྚཏཱིཏི ཝུཏྟཾ། ཏསྨཱ ཚནྡཾ ཨཝིསྶཛྫེཏྭཱཝ དྭཱདསཧཏྠཔཱསེ ཝིཧརིཏྭཱ པུན སནྣིཔཱཏཀརཎཉྩ ཝཊྚཏཱིཏི ལིཁིཏཾ།
Ekādasame chandaṃ avissajjetvāti ‘‘yathāsukha’’nti avatvā. Ettha pana ayaṃ vinicchayo – ‘‘pārivāsikachandadānenā’’ti idaṃ uddharitvā ‘‘vuṭṭhitāya parisāyā’’ti (pāci. 1168) padabhājanaṃ vuttaṃ. Etassa pana samantapāsādikāyaṃ ‘‘vuṭṭhitāya parisāyāti chandaṃ vissajjetvā kāyena vā vācāya vā chandavissajjanamattena vā vuṭṭhitāyā’’ti (pāci. aṭṭha. 1167) vuttaṃ. Idha chandassa pana avissaṭṭhattā kammaṃ kātuṃ vaṭṭatīti vuttaṃ. Tasmā chandaṃ avissajjetvāva dvādasahatthapāse viharitvā puna sannipātakaraṇañca vaṭṭatīti likhitaṃ.
ཨཊྛམཝགྒཝཎྞནཱ ནིཊྛིཏཱ།
Aṭṭhamavaggavaṇṇanā niṭṭhitā.
