| Library / Tipiṭaka / તિપિટક • Tipiṭaka / કઙ્ખાવિતરણી-પુરાણ-ટીકા • Kaṅkhāvitaraṇī-purāṇa-ṭīkā |
૮. અટ્ઠમવગ્ગવણ્ણના
8. Aṭṭhamavaggavaṇṇanā
પઠમદુતિયતતિયેસુ ‘‘ગિહિગતા’’તિ વા ‘‘કુમારિભૂતા’’તિ વા ન વત્તબ્બા. વદન્તિ ચે, કમ્મં કુપ્પતિ.
Paṭhamadutiyatatiyesu ‘‘gihigatā’’ti vā ‘‘kumāribhūtā’’ti vā na vattabbā. Vadanti ce, kammaṃ kuppati.
એકાદસમે છન્દં અવિસ્સજ્જેત્વાતિ ‘‘યથાસુખ’’ન્તિ અવત્વા. એત્થ પન અયં વિનિચ્છયો – ‘‘પારિવાસિકછન્દદાનેના’’તિ ઇદં ઉદ્ધરિત્વા ‘‘વુટ્ઠિતાય પરિસાયા’’તિ (પાચિ॰ ૧૧૬૮) પદભાજનં વુત્તં. એતસ્સ પન સમન્તપાસાદિકાયં ‘‘વુટ્ઠિતાય પરિસાયાતિ છન્દં વિસ્સજ્જેત્વા કાયેન વા વાચાય વા છન્દવિસ્સજ્જનમત્તેન વા વુટ્ઠિતાયા’’તિ (પાચિ॰ અટ્ઠ॰ ૧૧૬૭) વુત્તં. ઇધ છન્દસ્સ પન અવિસ્સટ્ઠત્તા કમ્મં કાતું વટ્ટતીતિ વુત્તં. તસ્મા છન્દં અવિસ્સજ્જેત્વાવ દ્વાદસહત્થપાસે વિહરિત્વા પુન સન્નિપાતકરણઞ્ચ વટ્ટતીતિ લિખિતં.
Ekādasame chandaṃ avissajjetvāti ‘‘yathāsukha’’nti avatvā. Ettha pana ayaṃ vinicchayo – ‘‘pārivāsikachandadānenā’’ti idaṃ uddharitvā ‘‘vuṭṭhitāya parisāyā’’ti (pāci. 1168) padabhājanaṃ vuttaṃ. Etassa pana samantapāsādikāyaṃ ‘‘vuṭṭhitāya parisāyāti chandaṃ vissajjetvā kāyena vā vācāya vā chandavissajjanamattena vā vuṭṭhitāyā’’ti (pāci. aṭṭha. 1167) vuttaṃ. Idha chandassa pana avissaṭṭhattā kammaṃ kātuṃ vaṭṭatīti vuttaṃ. Tasmā chandaṃ avissajjetvāva dvādasahatthapāse viharitvā puna sannipātakaraṇañca vaṭṭatīti likhitaṃ.
અટ્ઠમવગ્ગવણ્ણના નિટ્ઠિતા.
Aṭṭhamavaggavaṇṇanā niṭṭhitā.
