| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༦. ཨཊྛམཀསྶ ཨིནྡྲིཡཀཐཱཝཎྞནཱ
6. Aṭṭhamakassa indriyakathāvaṇṇanā
༣༧༡. ཨིདཱནི ཨཊྛམཀསྶ ཨིནྡྲིཡཀཐཱ ནཱམ ཧོཏི། ཏཏྠ ཡེསཾ ‘‘ཨཊྛམཀོ མགྒཀྑཎེ ཨིནྡྲིཡཱནི པཊིལབྷཏི ནཱམ, ནོ ཙསྶ པཊིལདྡྷཱནི ཧོནྟཱི’’ཏི ལདྡྷི, སེཡྻཐཱཔི ཨེཏརཧི ཨནྡྷཀཱནཾ; ཏེ སནྡྷཱཡ ནཏྠི སདྡྷིནྡྲིཡནྟི པུཙྪཱ སཀཝཱདིསྶ, པཊིཉྙཱ ཨིཏརསྶ། ནཏྠི སདྡྷཱཏི པུཊྛོ པན སདྡྷིནྡྲིཡཏོ སདྡྷཱཡ ནཱནཏྟཾ སལླཀྑེཏྭཱ པཊིཀྑིཔཏི། སེསེསུཔི ཨེསེཝ ནཡོ། ཡཐཱ པན ཡསྶ ཨཏྠི མནོ, ཏསྶ མནིནྡྲིཡམྤི ཨཏྠི; ཨེཝཾ ཡསྶ སདྡྷཱདཡོ ཨཏྠི, ཏསྶ ཨཏྠི སདྡྷིནྡྲིཡཱདཱིནིཔཱིཏི དཱིཔནཏྠཾ ཨཏྠི མནོ ཨཏྠི མནིནྡྲིཡནྟིཨཱདི ཨཱརདྡྷཾ། ཏཾ སབྦཾ ཨུཏྟཱནཏྠམེཝ སདྡྷིཾ སུཏྟསཱདྷནེནཱཏི།
371. Idāni aṭṭhamakassa indriyakathā nāma hoti. Tattha yesaṃ ‘‘aṭṭhamako maggakkhaṇe indriyāni paṭilabhati nāma, no cassa paṭiladdhāni hontī’’ti laddhi, seyyathāpi etarahi andhakānaṃ; te sandhāya natthi saddhindriyanti pucchā sakavādissa, paṭiññā itarassa. Natthi saddhāti puṭṭho pana saddhindriyato saddhāya nānattaṃ sallakkhetvā paṭikkhipati. Sesesupi eseva nayo. Yathā pana yassa atthi mano, tassa manindriyampi atthi; evaṃ yassa saddhādayo atthi, tassa atthi saddhindriyādīnipīti dīpanatthaṃ atthi mano atthi manindriyantiādi āraddhaṃ. Taṃ sabbaṃ uttānatthameva saddhiṃ suttasādhanenāti.
ཨཊྛམཀསྶ ཨིནྡྲིཡཀཐཱཝཎྞནཱ།
Aṭṭhamakassa indriyakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༢༦) ༦. ཨཊྛམཀསྶཨིནྡྲིཡཀཐཱ • (26) 6. Aṭṭhamakassaindriyakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༦. ཨཊྛམཀསྶ ཨིནྡྲིཡཀཐཱཝཎྞནཱ • 6. Aṭṭhamakassa indriyakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༦. ཨཊྛམཀསྶ ཨིནྡྲིཡཀཐཱཝཎྞནཱ • 6. Aṭṭhamakassa indriyakathāvaṇṇanā
