| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೬. ಅಟ್ಠಮಕಸ್ಸ ಇನ್ದ್ರಿಯಕಥಾವಣ್ಣನಾ
6. Aṭṭhamakassa indriyakathāvaṇṇanā
೩೭೧. ಇದಾನಿ ಅಟ್ಠಮಕಸ್ಸ ಇನ್ದ್ರಿಯಕಥಾ ನಾಮ ಹೋತಿ। ತತ್ಥ ಯೇಸಂ ‘‘ಅಟ್ಠಮಕೋ ಮಗ್ಗಕ್ಖಣೇ ಇನ್ದ್ರಿಯಾನಿ ಪಟಿಲಭತಿ ನಾಮ, ನೋ ಚಸ್ಸ ಪಟಿಲದ್ಧಾನಿ ಹೋನ್ತೀ’’ತಿ ಲದ್ಧಿ, ಸೇಯ್ಯಥಾಪಿ ಏತರಹಿ ಅನ್ಧಕಾನಂ; ತೇ ಸನ್ಧಾಯ ನತ್ಥಿ ಸದ್ಧಿನ್ದ್ರಿಯನ್ತಿ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ನತ್ಥಿ ಸದ್ಧಾತಿ ಪುಟ್ಠೋ ಪನ ಸದ್ಧಿನ್ದ್ರಿಯತೋ ಸದ್ಧಾಯ ನಾನತ್ತಂ ಸಲ್ಲಕ್ಖೇತ್ವಾ ಪಟಿಕ್ಖಿಪತಿ। ಸೇಸೇಸುಪಿ ಏಸೇವ ನಯೋ। ಯಥಾ ಪನ ಯಸ್ಸ ಅತ್ಥಿ ಮನೋ, ತಸ್ಸ ಮನಿನ್ದ್ರಿಯಮ್ಪಿ ಅತ್ಥಿ; ಏವಂ ಯಸ್ಸ ಸದ್ಧಾದಯೋ ಅತ್ಥಿ, ತಸ್ಸ ಅತ್ಥಿ ಸದ್ಧಿನ್ದ್ರಿಯಾದೀನಿಪೀತಿ ದೀಪನತ್ಥಂ ಅತ್ಥಿ ಮನೋ ಅತ್ಥಿ ಮನಿನ್ದ್ರಿಯನ್ತಿಆದಿ ಆರದ್ಧಂ। ತಂ ಸಬ್ಬಂ ಉತ್ತಾನತ್ಥಮೇವ ಸದ್ಧಿಂ ಸುತ್ತಸಾಧನೇನಾತಿ।
371. Idāni aṭṭhamakassa indriyakathā nāma hoti. Tattha yesaṃ ‘‘aṭṭhamako maggakkhaṇe indriyāni paṭilabhati nāma, no cassa paṭiladdhāni hontī’’ti laddhi, seyyathāpi etarahi andhakānaṃ; te sandhāya natthi saddhindriyanti pucchā sakavādissa, paṭiññā itarassa. Natthi saddhāti puṭṭho pana saddhindriyato saddhāya nānattaṃ sallakkhetvā paṭikkhipati. Sesesupi eseva nayo. Yathā pana yassa atthi mano, tassa manindriyampi atthi; evaṃ yassa saddhādayo atthi, tassa atthi saddhindriyādīnipīti dīpanatthaṃ atthi mano atthi manindriyantiādi āraddhaṃ. Taṃ sabbaṃ uttānatthameva saddhiṃ suttasādhanenāti.
ಅಟ್ಠಮಕಸ್ಸ ಇನ್ದ್ರಿಯಕಥಾವಣ್ಣನಾ।
Aṭṭhamakassa indriyakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೨೬) ೬. ಅಟ್ಠಮಕಸ್ಸಇನ್ದ್ರಿಯಕಥಾ • (26) 6. Aṭṭhamakassaindriyakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೬. ಅಟ್ಠಮಕಸ್ಸ ಇನ್ದ್ರಿಯಕಥಾವಣ್ಣನಾ • 6. Aṭṭhamakassa indriyakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೬. ಅಟ್ಠಮಕಸ್ಸ ಇನ್ದ್ರಿಯಕಥಾವಣ್ಣನಾ • 6. Aṭṭhamakassa indriyakathāvaṇṇanā
