| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၆. အဋ္ဌမကသ္သ ဣန္ဒ္ရိယကထာဝဏ္ဏနာ
6. Aṭṭhamakassa indriyakathāvaṇṇanā
၃၇၁. ဣဒာနိ အဋ္ဌမကသ္သ ဣန္ဒ္ရိယကထာ နာမ ဟောတိ။ တတ္ထ ယေသံ ‘‘အဋ္ဌမကော မဂ္ဂက္ခဏေ ဣန္ဒ္ရိယာနိ ပဋိလဘတိ နာမ, နော စသ္သ ပဋိလဒ္ဓာနိ ဟောန္တီ’’တိ လဒ္ဓိ, သေယ္ယထာပိ ဧတရဟိ အန္ဓကာနံ; တေ သန္ဓာယ နတ္ထိ သဒ္ဓိန္ဒ္ရိယန္တိ ပုစ္ဆာ သကဝာဒိသ္သ, ပဋိညာ ဣတရသ္သ။ နတ္ထိ သဒ္ဓာတိ ပုဋ္ဌော ပန သဒ္ဓိန္ဒ္ရိယတော သဒ္ဓာယ နာနတ္တံ သလ္လက္ခေတ္ဝာ ပဋိက္ခိပတိ။ သေသေသုပိ ဧသေဝ နယော။ ယထာ ပန ယသ္သ အတ္ထိ မနော, တသ္သ မနိန္ဒ္ရိယမ္ပိ အတ္ထိ; ဧဝံ ယသ္သ သဒ္ဓာဒယော အတ္ထိ, တသ္သ အတ္ထိ သဒ္ဓိန္ဒ္ရိယာဒီနိပီတိ ဒီပနတ္ထံ အတ္ထိ မနော အတ္ထိ မနိန္ဒ္ရိယန္တိအာဒိ အာရဒ္ဓံ။ တံ သဗ္ဗံ ဥတ္တာနတ္ထမေဝ သဒ္ဓိံ သုတ္တသာဓနေနာတိ။
371. Idāni aṭṭhamakassa indriyakathā nāma hoti. Tattha yesaṃ ‘‘aṭṭhamako maggakkhaṇe indriyāni paṭilabhati nāma, no cassa paṭiladdhāni hontī’’ti laddhi, seyyathāpi etarahi andhakānaṃ; te sandhāya natthi saddhindriyanti pucchā sakavādissa, paṭiññā itarassa. Natthi saddhāti puṭṭho pana saddhindriyato saddhāya nānattaṃ sallakkhetvā paṭikkhipati. Sesesupi eseva nayo. Yathā pana yassa atthi mano, tassa manindriyampi atthi; evaṃ yassa saddhādayo atthi, tassa atthi saddhindriyādīnipīti dīpanatthaṃ atthi mano atthi manindriyantiādi āraddhaṃ. Taṃ sabbaṃ uttānatthameva saddhiṃ suttasādhanenāti.
အဋ္ဌမကသ္သ ဣန္ဒ္ရိယကထာဝဏ္ဏနာ။
Aṭṭhamakassa indriyakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၂၆) ၆. အဋ္ဌမကသ္သဣန္ဒ္ရိယကထာ • (26) 6. Aṭṭhamakassaindriyakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၆. အဋ္ဌမကသ္သ ဣန္ဒ္ရိယကထာဝဏ္ဏနာ • 6. Aṭṭhamakassa indriyakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၆. အဋ္ဌမကသ္သ ဣန္ဒ္ရိယကထာဝဏ္ဏနာ • 6. Aṭṭhamakassa indriyakathāvaṇṇanā
