| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
адтамахаавибаагажид̇д̇аван̣н̣анаа
Aṭṭhamahāvipākacittavaṇṇanā
498. ид̣̇аани адтамахаавибаагажид̇д̇аани д̣̇ассзд̇ум̣ буна гад̇амз д̇хаммаа аб̣яаагад̇аад̇иаад̣̇и аарад̣̇д̇хам̣. д̇ад̇т̇а баал̣ияам̣ наяамад̇д̇ам̣ д̣̇ассзд̇ваа саб̣б̣аваараа сам̣кид̇д̇аа. д̇зсам̣ ад̇т̇о хздтаа вуд̇д̇анаязнзва взд̣̇ид̇аб̣б̣о. яо банзд̇т̇а висзсо д̇ам̣ д̣̇ассзд̇ум̣ алобхо аб̣яаагад̇амууланд̇иаад̣̇и вуд̇д̇ам̣. яамби на вуд̇д̇ам̣ д̇ам̣ звам̣ взд̣̇ид̇аб̣б̣ам̣ – яо хи гаамааважарагусалзсу гаммад̣̇ваарагаммабат̇абун̃н̃агирияавад̇т̇убхзд̣̇о вуд̇д̇о со ид̇ха над̇т̇и. гасмаа? авин̃н̃ад̇д̇иж̇анагад̇о авибаагад̇хаммад̇о д̇ат̇аа аббавад̇д̇ид̇о жа. яааби д̇аа язваабанагзсу гарун̣аамуд̣̇ид̇аа вуд̇д̇аа, д̇аа сад̇д̇аарамман̣ад̇д̇аа вибаагзсу на санд̇и. зганд̇абарид̇д̇аарамман̣аани хи гаамааважаравибаагаани. на гзвалан̃жа гарун̣аамуд̣̇ид̇аа, вирад̇ияобзд̇т̇а на санд̇и. ‘бан̃жа сигкаабад̣̇аани гусалаанзваа’д̇и (вибха. 715) хи вуд̇д̇ам̣.
498. Idāni aṭṭhamahāvipākacittāni dassetuṃ puna katame dhammā abyākatātiādi āraddhaṃ. Tattha pāḷiyaṃ nayamattaṃ dassetvā sabbavārā saṃkhittā. Tesaṃ attho heṭṭhā vuttanayeneva veditabbo. Yo panettha viseso taṃ dassetuṃ alobho abyākatamūlantiādi vuttaṃ. Yampi na vuttaṃ taṃ evaṃ veditabbaṃ – yo hi kāmāvacarakusalesu kammadvārakammapathapuññakiriyavatthubhedo vutto so idha natthi. Kasmā? Aviññattijanakato avipākadhammato tathā appavattito ca. Yāpi tā yevāpanakesu karuṇāmuditā vuttā, tā sattārammaṇattā vipākesu na santi. Ekantaparittārammaṇāni hi kāmāvacaravipākāni. Na kevalañca karuṇāmuditā, viratiyopettha na santi. ‘Pañca sikkhāpadāni kusalānevā’ti (vibha. 715) hi vuttaṃ.
асан̇каарасасан̇кааравид̇хаанан̃жзд̇т̇а гусалад̇о жзва бажжаяабхзд̣̇ад̇о жа взд̣̇ид̇аб̣б̣ам̣. асан̇кааригасса хи гусаласса асан̇кааригамзва вибаагам̣, сасан̇кааригасса сасан̇кааригам̣. б̣алавабажжаязхи жа уббаннам̣ асан̇кааригам̣, ид̇арзхи ид̇арам̣. хийнаад̣̇ибхзд̣̇зби имаани хийнамаж̇жхимабан̣ийд̇зхи чанд̣̇аад̣̇ийхи анибпаад̣̇ид̇ад̇д̇аа хийнамаж̇жхимабан̣ийд̇аани наама на хонд̇и. хийнасса бана гусаласса вибаагам̣ хийнам̣, маж̇жхимасса маж̇жхимам̣, бан̣ийд̇асса бан̣ийд̇ам̣. ад̇хибад̇ино бзд̇т̇а на санд̇и. гасмаа? чанд̣̇аад̣̇ийни д̇хурам̣ гад̇ваа ануббаад̣̇зд̇аб̣б̣ад̇о. сзсам̣ саб̣б̣ам̣ адтасу гусалзсу вуд̇д̇асад̣̇исамзва.
Asaṅkhārasasaṅkhāravidhānañcettha kusalato ceva paccayabhedato ca veditabbaṃ. Asaṅkhārikassa hi kusalassa asaṅkhārikameva vipākaṃ, sasaṅkhārikassa sasaṅkhārikaṃ. Balavapaccayehi ca uppannaṃ asaṅkhārikaṃ, itarehi itaraṃ. Hīnādibhedepi imāni hīnamajjhimapaṇītehi chandādīhi anipphāditattā hīnamajjhimapaṇītāni nāma na honti. Hīnassa pana kusalassa vipākaṃ hīnaṃ, majjhimassa majjhimaṃ, paṇītassa paṇītaṃ. Adhipatino pettha na santi. Kasmā? Chandādīni dhuraṃ katvā anuppādetabbato. Sesaṃ sabbaṃ aṭṭhasu kusalesu vuttasadisameva.
ид̣̇аани имзсам̣ адтаннам̣ махаавибаагажид̇д̇аанам̣ вибажжанадтаанам̣ взд̣̇ид̇аб̣б̣ам̣. зд̇аани хи жад̇уусу таанзсу вибажжанд̇и – бадисанд̇хияам̣, бхаван̇г̇з, жуд̇ияам̣, д̇ад̣̇аарамман̣зд̇и. гат̇ам̣? мануссзсу д̇аава гаамааважарад̣̇звзсу жа бун̃н̃аванд̇аанам̣ д̣̇ухзд̇угад̇ихзд̇угаанам̣ бадисанд̇хиг̇г̇ахан̣агаалз бадисанд̇хи худ̇ваа вибажжанд̇и. бадисанд̇хияаа вийд̇ивад̇д̇ааяа бавад̇д̇з садтиби асийд̇иби вассаани асан̇кязяяамби ааяугаалам̣ бхаван̇г̇ам̣ худ̇ваа, б̣алаваарамман̣з часу д̣̇ваарзсу д̇ад̣̇аарамман̣ам̣ худ̇ваа, маран̣агаалз жуд̇и худ̇ваад̇и. звам̣ жад̇уусу таанзсу вибажжанд̇и.
Idāni imesaṃ aṭṭhannaṃ mahāvipākacittānaṃ vipaccanaṭṭhānaṃ veditabbaṃ. Etāni hi catūsu ṭhānesu vipaccanti – paṭisandhiyaṃ, bhavaṅge, cutiyaṃ, tadārammaṇeti. Kathaṃ? Manussesu tāva kāmāvacaradevesu ca puññavantānaṃ duhetukatihetukānaṃ paṭisandhiggahaṇakāle paṭisandhi hutvā vipaccanti. Paṭisandhiyā vītivattāya pavatte saṭṭhipi asītipi vassāni asaṅkhyeyyampi āyukālaṃ bhavaṅgaṃ hutvā, balavārammaṇe chasu dvāresu tadārammaṇaṃ hutvā, maraṇakāle cuti hutvāti. Evaṃ catūsu ṭhānesu vipaccanti.
д̇ад̇т̇а саб̣б̣зби саб̣б̣ан̃н̃уб̣од̇хисад̇д̇аа бажчимабадисанд̇хиг̇г̇ахан̣з батамзна соманассасахаг̇ад̇ад̇ихзд̇угаасан̇кааригамахаавибаагажид̇д̇зна бадисанд̇хим̣ г̇ан̣ханд̇и. д̇ам̣ бана мзд̇д̇аабуб̣б̣абхааг̇ажид̇д̇асса вибаагам̣ ход̇и. д̇зна д̣̇иннааяа бадисанд̇хияаа асан̇кязяяам̣ ааяу. гаалавасзна бана барин̣амад̇и. махаасийвад̇т̇зро банааха – ‘соманассасахаг̇ад̇ад̇о убзгкаасахаг̇ад̇ам̣ б̣алавад̇арам̣. д̇зна бадисанд̇хим̣ г̇ан̣ханд̇и. д̇зна г̇ахид̇абадисанд̇хигаа хи махаж̇жхаасаяаа хонд̇и. д̣̇иб̣б̣зсуби аарамман̣зсу уббилаавино на хонд̇и, д̇ибидагажуул̣анааг̇ад̇т̇зраад̣̇аяо вияаа’д̇и . адтагат̇ааяам̣ бана – ‘аяам̣ т̇зрасса манорат̇о,’‘над̇т̇и зд̇а’нд̇и бадигкибид̇ваа ‘саб̣б̣ан̃н̃уб̣од̇хисад̇д̇аанам̣ хид̇уубажааро б̣алаваа ход̇и , д̇асмаа мзд̇д̇аабуб̣б̣абхааг̇агаамааважарагусалавибаагасоманассасахаг̇ад̇ад̇ихзд̇угаасан̇кааригажид̇д̇зна бадисанд̇хим̣ г̇ан̣ханд̇ий’д̇и вуд̇д̇ам̣.
Tattha sabbepi sabbaññubodhisattā pacchimapaṭisandhiggahaṇe paṭhamena somanassasahagatatihetukaasaṅkhārikamahāvipākacittena paṭisandhiṃ gaṇhanti. Taṃ pana mettāpubbabhāgacittassa vipākaṃ hoti. Tena dinnāya paṭisandhiyā asaṅkhyeyyaṃ āyu. Kālavasena pana pariṇamati. Mahāsīvatthero panāha – ‘somanassasahagatato upekkhāsahagataṃ balavataraṃ. Tena paṭisandhiṃ gaṇhanti. Tena gahitapaṭisandhikā hi mahajjhāsayā honti. Dibbesupi ārammaṇesu uppilāvino na honti, tipiṭakacūḷanāgattherādayo viyā’ti . Aṭṭhakathāyaṃ pana – ‘ayaṃ therassa manoratho,’‘natthi eta’nti paṭikkhipitvā ‘sabbaññubodhisattānaṃ hitūpacāro balavā hoti , tasmā mettāpubbabhāgakāmāvacarakusalavipākasomanassasahagatatihetukaasaṅkhārikacittena paṭisandhiṃ gaṇhantī’ti vuttaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / аб̣яаагад̇авибааго • Abyākatavipāko
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / адтамахаавибаагажид̇д̇аван̣н̣анаа • Aṭṭhamahāvipākacittavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / адтамахаавибаагажид̇д̇аван̣н̣анаа • Aṭṭhamahāvipākacittavaṇṇanā
