| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੫. ਅਤ੍ਤਰਕ੍ਖਿਤਸੁਤ੍ਤਂ
5. Attarakkhitasuttaṃ
੧੧੬. ਸਾવਤ੍ਥਿਨਿਦਾਨਂ। ਏਕਮਨ੍ਤਂ ਨਿਸਿਨ੍ਨੋ ਖੋ ਰਾਜਾ ਪਸੇਨਦਿ ਕੋਸਲੋ ਭਗવਨ੍ਤਂ ਏਤਦવੋਚ – ‘‘ਇਧ ਮਯ੍ਹਂ, ਭਨ੍ਤੇ, ਰਹੋਗਤਸ੍ਸ ਪਟਿਸਲ੍ਲੀਨਸ੍ਸ ਏવਂ ਚੇਤਸੋ ਪਰਿવਿਤਕ੍ਕੋ ਉਦਪਾਦਿ – ‘ਕੇਸਂ ਨੁ ਖੋ ਰਕ੍ਖਿਤੋ ਅਤ੍ਤਾ, ਕੇਸਂ ਅਰਕ੍ਖਿਤੋ ਅਤ੍ਤਾ’ਤਿ? ਤਸ੍ਸ ਮਯ੍ਹਂ, ਭਨ੍ਤੇ, ਏਤਦਹੋਸਿ – ‘ਯੇ ਖੋ ਕੇਚਿ ਕਾਯੇਨ ਦੁਚ੍ਚਰਿਤਂ ਚਰਨ੍ਤਿ, વਾਚਾਯ ਦੁਚ੍ਚਰਿਤਂ ਚਰਨ੍ਤਿ, ਮਨਸਾ ਦੁਚ੍ਚਰਿਤਂ ਚਰਨ੍ਤਿ; ਤੇਸਂ ਅਰਕ੍ਖਿਤੋ ਅਤ੍ਤਾ। ਕਿਞ੍ਚਾਪਿ ਤੇ ਹਤ੍ਥਿਕਾਯੋ વਾ ਰਕ੍ਖੇਯ੍ਯ, ਅਸ੍ਸਕਾਯੋ વਾ ਰਕ੍ਖੇਯ੍ਯ, ਰਥਕਾਯੋ વਾ ਰਕ੍ਖੇਯ੍ਯ, ਪਤ੍ਤਿਕਾਯੋ વਾ ਰਕ੍ਖੇਯ੍ਯ; ਅਥ ਖੋ ਤੇਸਂ ਅਰਕ੍ਖਿਤੋ ਅਤ੍ਤਾ। ਤਂ ਕਿਸ੍ਸ ਹੇਤੁ? ਬਾਹਿਰਾ ਹੇਸਾ ਰਕ੍ਖਾ, ਨੇਸਾ ਰਕ੍ਖਾ ਅਜ੍ਝਤ੍ਤਿਕਾ; ਤਸ੍ਮਾ ਤੇਸਂ ਅਰਕ੍ਖਿਤੋ ਅਤ੍ਤਾ। ਯੇ ਚ ਖੋ ਕੇਚਿ ਕਾਯੇਨ ਸੁਚਰਿਤਂ ਚਰਨ੍ਤਿ, વਾਚਾਯ ਸੁਚਰਿਤਂ ਚਰਨ੍ਤਿ, ਮਨਸਾ ਸੁਚਰਿਤਂ ਚਰਨ੍ਤਿ; ਤੇਸਂ ਰਕ੍ਖਿਤੋ ਅਤ੍ਤਾ। ਕਿਞ੍ਚਾਪਿ ਤੇ ਨੇવ ਹਤ੍ਥਿਕਾਯੋ ਰਕ੍ਖੇਯ੍ਯ, ਨ ਅਸ੍ਸਕਾਯੋ ਰਕ੍ਖੇਯ੍ਯ, ਨ ਰਥਕਾਯੋ ਰਕ੍ਖੇਯ੍ਯ , ਨ ਪਤ੍ਤਿਕਾਯੋ ਰਕ੍ਖੇਯ੍ਯ; ਅਥ ਖੋ ਤੇਸਂ ਰਕ੍ਖਿਤੋ ਅਤ੍ਤਾ। ਤਂ ਕਿਸ੍ਸ ਹੇਤੁ? ਅਜ੍ਝਤ੍ਤਿਕਾ ਹੇਸਾ ਰਕ੍ਖਾ, ਨੇਸਾ ਰਕ੍ਖਾ ਬਾਹਿਰਾ; ਤਸ੍ਮਾ ਤੇਸਂ ਰਕ੍ਖਿਤੋ ਅਤ੍ਤਾ’’’ਤਿ।
116. Sāvatthinidānaṃ. Ekamantaṃ nisinno kho rājā pasenadi kosalo bhagavantaṃ etadavoca – ‘‘idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘kesaṃ nu kho rakkhito attā, kesaṃ arakkhito attā’ti? Tassa mayhaṃ, bhante, etadahosi – ‘ye kho keci kāyena duccaritaṃ caranti, vācāya duccaritaṃ caranti, manasā duccaritaṃ caranti; tesaṃ arakkhito attā. Kiñcāpi te hatthikāyo vā rakkheyya, assakāyo vā rakkheyya, rathakāyo vā rakkheyya, pattikāyo vā rakkheyya; atha kho tesaṃ arakkhito attā. Taṃ kissa hetu? Bāhirā hesā rakkhā, nesā rakkhā ajjhattikā; tasmā tesaṃ arakkhito attā. Ye ca kho keci kāyena sucaritaṃ caranti, vācāya sucaritaṃ caranti, manasā sucaritaṃ caranti; tesaṃ rakkhito attā. Kiñcāpi te neva hatthikāyo rakkheyya, na assakāyo rakkheyya, na rathakāyo rakkheyya , na pattikāyo rakkheyya; atha kho tesaṃ rakkhito attā. Taṃ kissa hetu? Ajjhattikā hesā rakkhā, nesā rakkhā bāhirā; tasmā tesaṃ rakkhito attā’’’ti.
‘‘ਏવਮੇਤਂ, ਮਹਾਰਾਜ, ਏવਮੇਤਂ, ਮਹਾਰਾਜ! ਯੇ ਹਿ ਕੇਚਿ, ਮਹਾਰਾਜ, ਕਾਯੇਨ ਦੁਚ੍ਚਰਿਤਂ ਚਰਨ੍ਤਿ…ਪੇ॰… ਤੇਸਂ ਅਰਕ੍ਖਿਤੋ ਅਤ੍ਤਾ। ਤਂ ਕਿਸ੍ਸ ਹੇਤੁ? ਬਾਹਿਰਾ ਹੇਸਾ, ਮਹਾਰਾਜ, ਰਕ੍ਖਾ, ਨੇਸਾ ਰਕ੍ਖਾ ਅਜ੍ਝਤ੍ਤਿਕਾ; ਤਸ੍ਮਾ ਤੇਸਂ ਅਰਕ੍ਖਿਤੋ ਅਤ੍ਤਾ। ਯੇ ਚ ਖੋ ਕੇਚਿ, ਮਹਾਰਾਜ, ਕਾਯੇਨ ਸੁਚਰਿਤਂ ਚਰਨ੍ਤਿ, વਾਚਾਯ ਸੁਚਰਿਤਂ ਚਰਨ੍ਤਿ, ਮਨਸਾ ਸੁਚਰਿਤਂ ਚਰਨ੍ਤਿ; ਤੇਸਂ ਰਕ੍ਖਿਤੋ ਅਤ੍ਤਾ। ਕਿਞ੍ਚਾਪਿ ਤੇ ਨੇવ ਹਤ੍ਥਿਕਾਯੋ ਰਕ੍ਖੇਯ੍ਯ, ਨ ਅਸ੍ਸਕਾਯੋ ਰਕ੍ਖੇਯ੍ਯ, ਨ ਰਥਕਾਯੋ ਰਕ੍ਖੇਯ੍ਯ, ਨ ਪਤ੍ਤਿਕਾਯੋ ਰਕ੍ਖੇਯ੍ਯ; ਅਥ ਖੋ ਤੇਸਂ ਰਕ੍ਖਿਤੋ ਅਤ੍ਤਾ। ਤਂ ਕਿਸ੍ਸ ਹੇਤੁ? ਅਜ੍ਝਤ੍ਤਿਕਾ ਹੇਸਾ, ਮਹਾਰਾਜ, ਰਕ੍ਖਾ, ਨੇਸਾ ਰਕ੍ਖਾ ਬਾਹਿਰਾ; ਤਸ੍ਮਾ ਤੇਸਂ ਰਕ੍ਖਿਤੋ ਅਤ੍ਤਾ’’ਤਿ। ਇਦਮવੋਚ…ਪੇ॰…
‘‘Evametaṃ, mahārāja, evametaṃ, mahārāja! Ye hi keci, mahārāja, kāyena duccaritaṃ caranti…pe… tesaṃ arakkhito attā. Taṃ kissa hetu? Bāhirā hesā, mahārāja, rakkhā, nesā rakkhā ajjhattikā; tasmā tesaṃ arakkhito attā. Ye ca kho keci, mahārāja, kāyena sucaritaṃ caranti, vācāya sucaritaṃ caranti, manasā sucaritaṃ caranti; tesaṃ rakkhito attā. Kiñcāpi te neva hatthikāyo rakkheyya, na assakāyo rakkheyya, na rathakāyo rakkheyya, na pattikāyo rakkheyya; atha kho tesaṃ rakkhito attā. Taṃ kissa hetu? Ajjhattikā hesā, mahārāja, rakkhā, nesā rakkhā bāhirā; tasmā tesaṃ rakkhito attā’’ti. Idamavoca…pe…
‘‘ਕਾਯੇਨ ਸਂવਰੋ ਸਾਧੁ, ਸਾਧੁ વਾਚਾਯ ਸਂવਰੋ।
‘‘Kāyena saṃvaro sādhu, sādhu vācāya saṃvaro;
ਮਨਸਾ ਸਂવਰੋ ਸਾਧੁ, ਸਾਧੁ ਸਬ੍ਬਤ੍ਥ ਸਂવਰੋ।
Manasā saṃvaro sādhu, sādhu sabbattha saṃvaro;
ਸਬ੍ਬਤ੍ਥ ਸਂવੁਤੋ ਲਜ੍ਜੀ, ਰਕ੍ਖਿਤੋਤਿ ਪવੁਚ੍ਚਤੀ’’ਤਿ॥
Sabbattha saṃvuto lajjī, rakkhitoti pavuccatī’’ti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਅਤ੍ਤਰਕ੍ਖਿਤਸੁਤ੍ਤવਣ੍ਣਨਾ • 5. Attarakkhitasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਅਤ੍ਤਰਕ੍ਖਿਤਸੁਤ੍ਤવਣ੍ਣਨਾ • 5. Attarakkhitasuttavaṇṇanā
