| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
(൧൩) ൩. ഭയവഗ്ഗോ
(13) 3. Bhayavaggo
൧. അത്താനുവാദസുത്തവണ്ണനാ
1. Attānuvādasuttavaṇṇanā
൧൨൧. തതിയസ്സ പഠമേ അത്താനുവാദഭയന്തി അത്താനം അനുവദന്തസ്സ ഉപ്പജ്ജനകഭയം. പരാനുവാദഭയന്തി പരസ്സ അനുവാദതോ ഉപ്പജ്ജനകഭയം. ദണ്ഡഭയന്തി ദ്വത്തിംസ കമ്മകാരണാ പടിച്ച ഉപ്പജ്ജനകഭയം. ദുഗ്ഗതിഭയന്തി ചത്താരോ അപായേ പടിച്ച ഉപ്പജ്ജനകഭയം. ഇദം വുച്ചതി, ഭിക്ഖവേ, അത്താനുവാദഭയന്തിആദീസു അത്താനുവാദഭയം താവ പച്ചവേക്ഖന്തസ്സ അജ്ഝത്തം ഹിരീ സമുട്ഠാതി, സാസ്സ തീസു ദ്വാരേസു സംവരം ജനേതി, തീസു ദ്വാരേസു സംവരോ ചതുപാരിസുദ്ധിസീലം ഹോതി. സോ തസ്മിം സീലേ പതിട്ഠായ വിപസ്സനം വഡ്ഢേത്വാ അഗ്ഗഫലേ പതിട്ഠാതി. പരാനുവാദഭയം പന പച്ചവേക്ഖന്തസ്സ ബഹിദ്ധാ ഓത്തപ്പം സമുട്ഠാതി, തദസ്സ തീസു ദ്വാരേസു സംവരം ജനേതി, തീസു ദ്വാരേസു സംവരോ ചതുപാരിസുദ്ധിസീലം ഹോതി. സോ തസ്മിം സീലേ പതിട്ഠായ വിപസ്സനം വഡ്ഢേത്വാ അഗ്ഗഫലേ പതിട്ഠാതി. ദുഗ്ഗതിഭയം പച്ചവേക്ഖന്തസ്സ അജ്ഝത്തം ഹിരീ സമുട്ഠാതി, സാസ്സ തീസു ദ്വാരേസു സംവരം ജനേതി, തീസു ദ്വാരേസു സംവരോ ചതുപാരിസുദ്ധിസീലം ഹോതി. സോ തസ്മിം സീലേ പതിട്ഠായ വിപസ്സനം വഡ്ഢേത്വാ അഗ്ഗഫലേ പതിട്ഠാതി.
121. Tatiyassa paṭhame attānuvādabhayanti attānaṃ anuvadantassa uppajjanakabhayaṃ. Parānuvādabhayanti parassa anuvādato uppajjanakabhayaṃ. Daṇḍabhayanti dvattiṃsa kammakāraṇā paṭicca uppajjanakabhayaṃ. Duggatibhayanti cattāro apāye paṭicca uppajjanakabhayaṃ. Idaṃ vuccati, bhikkhave, attānuvādabhayantiādīsu attānuvādabhayaṃ tāva paccavekkhantassa ajjhattaṃ hirī samuṭṭhāti, sāssa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti. Parānuvādabhayaṃ pana paccavekkhantassa bahiddhā ottappaṃ samuṭṭhāti, tadassa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti. Duggatibhayaṃ paccavekkhantassa ajjhattaṃ hirī samuṭṭhāti, sāssa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧. അത്താനുവാദസുത്തം • 1. Attānuvādasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧. അത്താനുവാദസുത്തവണ്ണനാ • 1. Attānuvādasuttavaṇṇanā
