| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੨. ਅਤ੍ਤਾਨੁਦਿਟ੍ਠਿਪਹਾਨਸੁਤ੍ਤਂ
12. Attānudiṭṭhipahānasuttaṃ
੧੬੭. ਅਥ ਖੋ ਅਞ੍ਞਤਰੋ ਭਿਕ੍ਖੁ…ਪੇ॰… ਏਤਦવੋਚ – ‘‘ਕਥਂ ਨੁ ਖੋ , ਭਨ੍ਤੇ, ਜਾਨਤੋ ਕਥਂ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤੀ’’ਤਿ? ‘‘ਚਕ੍ਖੁਂ ਖੋ, ਭਿਕ੍ਖੁ, ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ। ਰੂਪੇ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ। ਚਕ੍ਖੁવਿਞ੍ਞਾਣਂ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ। ਚਕ੍ਖੁਸਮ੍ਫਸ੍ਸਂ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ। ਯਮ੍ਪਿਦਂ ਚਕ੍ਖੁਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ ਤਮ੍ਪਿ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ…ਪੇ॰… ਜਿવ੍ਹਂ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ…ਪੇ॰… ਮਨਂ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤਿ। ਧਮ੍ਮੇ… ਮਨੋવਿਞ੍ਞਾਣਂ… ਮਨੋਸਮ੍ਫਸ੍ਸਂ… ਯਮ੍ਪਿਦਂ ਮਨੋਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ ਤਮ੍ਪਿ ਅਨਤ੍ਤਤੋ ਜਾਨਤੋ ਪਸ੍ਸਤੋ ਅਤ੍ਤਾਨੁਦਿਟ੍ਠਿ ਪਹੀਯਤੀ’’ਤਿ। ਦ੍વਾਦਸਮਂ।
167. Atha kho aññataro bhikkhu…pe… etadavoca – ‘‘kathaṃ nu kho , bhante, jānato kathaṃ passato attānudiṭṭhi pahīyatī’’ti? ‘‘Cakkhuṃ kho, bhikkhu, anattato jānato passato attānudiṭṭhi pahīyati. Rūpe anattato jānato passato attānudiṭṭhi pahīyati. Cakkhuviññāṇaṃ anattato jānato passato attānudiṭṭhi pahīyati. Cakkhusamphassaṃ anattato jānato passato attānudiṭṭhi pahīyati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyati…pe… jivhaṃ anattato jānato passato attānudiṭṭhi pahīyati…pe… manaṃ anattato jānato passato attānudiṭṭhi pahīyati. Dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyatī’’ti. Dvādasamaṃ.
ਨਨ੍ਦਿਕ੍ਖਯવਗ੍ਗੋ ਸੋਲ਼ਸਮੋ।
Nandikkhayavaggo soḷasamo.
ਤਸ੍ਸੁਦ੍ਦਾਨਂ –
Tassuddānaṃ –
ਨਨ੍ਦਿਕ੍ਖਯੇਨ ਚਤ੍ਤਾਰੋ, ਜੀવਕਮ੍ਬવਨੇ ਦੁવੇ।
Nandikkhayena cattāro, jīvakambavane duve;
ਕੋਟ੍ਠਿਕੇਨ ਤਯੋ વੁਤ੍ਤਾ, ਮਿਚ੍ਛਾ ਸਕ੍ਕਾਯ ਅਤ੍ਤਨੋਤਿ॥
Koṭṭhikena tayo vuttā, micchā sakkāya attanoti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦-੧੨. ਮਿਚ੍ਛਾਦਿਟ੍ਠਿਪਹਾਨਸੁਤ੍ਤਾਦਿવਣ੍ਣਨਾ • 10-12. Micchādiṭṭhipahānasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦-੧੨. ਮਿਚ੍ਛਾਦਿਟ੍ਠਿਪਹਾਨਸੁਤ੍ਤਾਦਿવਣ੍ਣਨਾ • 10-12. Micchādiṭṭhipahānasuttādivaṇṇanā
