| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๒. อตฺตานุทิฎฺฐิปหานสุตฺตํ
12. Attānudiṭṭhipahānasuttaṃ
๑๖๗. อถ โข อญฺญตโร ภิกฺขุ…เป.… เอตทโวจ – ‘‘กถํ นุ โข , ภเนฺต, ชานโต กถํ ปสฺสโต อตฺตานุทิฎฺฐิ ปหียตี’’ติ? ‘‘จกฺขุํ โข, ภิกฺขุ, อนตฺตโต ชานโต ปสฺสโต อตฺตานุทิฎฺฐิ ปหียติฯ รูเป อนตฺตโต ชานโต ปสฺสโต อตฺตานุทิฎฺฐิ ปหียติฯ จกฺขุวิญฺญาณํ อนตฺตโต ชานโต ปสฺสโต อตฺตานุทิฎฺฐิ ปหียติฯ จกฺขุสมฺผสฺสํ อนตฺตโต ชานโต ปสฺสโต อตฺตานุทิฎฺฐิ ปหียติฯ ยมฺปิทํ จกฺขุสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ อนตฺตโต ชานโต ปสฺสโต อตฺตานุทิฎฺฐิ ปหียติ…เป.… ชิวฺหํ อนตฺตโต ชานโต ปสฺสโต อตฺตานุทิฎฺฐิ ปหียติ…เป.… มนํ อนตฺตโต ชานโต ปสฺสโต อตฺตานุทิฎฺฐิ ปหียติฯ ธเมฺม… มโนวิญฺญาณํ… มโนสมฺผสฺสํ… ยมฺปิทํ มโนสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ อนตฺตโต ชานโต ปสฺสโต อตฺตานุทิฎฺฐิ ปหียตี’’ติฯ ทฺวาทสมํฯ
167. Atha kho aññataro bhikkhu…pe… etadavoca – ‘‘kathaṃ nu kho , bhante, jānato kathaṃ passato attānudiṭṭhi pahīyatī’’ti? ‘‘Cakkhuṃ kho, bhikkhu, anattato jānato passato attānudiṭṭhi pahīyati. Rūpe anattato jānato passato attānudiṭṭhi pahīyati. Cakkhuviññāṇaṃ anattato jānato passato attānudiṭṭhi pahīyati. Cakkhusamphassaṃ anattato jānato passato attānudiṭṭhi pahīyati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyati…pe… jivhaṃ anattato jānato passato attānudiṭṭhi pahīyati…pe… manaṃ anattato jānato passato attānudiṭṭhi pahīyati. Dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyatī’’ti. Dvādasamaṃ.
นนฺทิกฺขยวโคฺค โสฬสโมฯ
Nandikkhayavaggo soḷasamo.
ตสฺสุทฺทานํ –
Tassuddānaṃ –
นนฺทิกฺขเยน จตฺตาโร, ชีวกมฺพวเน ทุเว;
Nandikkhayena cattāro, jīvakambavane duve;
โกฎฺฐิเกน ตโย วุตฺตา, มิจฺฉา สกฺกาย อตฺตโนติฯ
Koṭṭhikena tayo vuttā, micchā sakkāya attanoti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐-๑๒. มิจฺฉาทิฎฺฐิปหานสุตฺตาทิวณฺณนา • 10-12. Micchādiṭṭhipahānasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐-๑๒. มิจฺฉาทิฎฺฐิปหานสุตฺตาทิวณฺณนา • 10-12. Micchādiṭṭhipahānasuttādivaṇṇanā
