| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਪੁਰਾਣ-ਟੀਕਾ • Kaṅkhāvitaraṇī-purāṇa-ṭīkā |
੪. ਅਤ੍ਤਕਾਮਸਿਕ੍ਖਾਪਦવਣ੍ਣਨਾ
4. Attakāmasikkhāpadavaṇṇanā
ਦੁਟ੍ਠੁਲ੍ਲੋਭਾਸਨੇ વੁਤ੍ਤਪ੍ਪਕਾਰਾਯਾਤਿ ਦੁਟ੍ਠੁਲ੍ਲਾਦੁਟ੍ਠੁਲ੍ਲਜਾਨਨਸਮਤ੍ਥਾਯ। ਪਰਸ੍ਸ ਭਿਕ੍ਖੁਨੋ ਅਤ੍ਤਕਾਮਪਾਰਿਚਰਿਯਾਯ વਣ੍ਣਭਣਨੇ ਦੁਕ੍ਕਟਂ, ‘‘ਯੋ ਤੇ વਿਹਾਰੇ વਸਤਿ, ਤਸ੍ਸ ਅਗ੍ਗਦਾਨਂ ਮੇਥੁਨਂ ਧਮ੍ਮਂ ਦੇਹੀ’’ਤਿ ਪਰਿਯਾਯવਚਨੇਪਿ ਦੁਕ੍ਕਟਂ, ‘‘ਅਤ੍ਤਕਾਮਪਾਰਿਚਰਿਯਾਯ વਣ੍ਣਂ ਭਾਸੇਯ੍ਯ, ਯਾ ਮਾਦਿਸਂ ਸੀਲવਨ੍ਤ’’ਨ੍ਤਿ ਚ વੁਤ੍ਤਤ੍ਤਾਤਿ ਏਕੇ। ਪਞ੍ਚਸੁ ਅਙ੍ਗੇਸੁ ਸਬ੍ਭਾવਾ ਸਙ੍ਘਾਦਿਸੇਸੋવਾਤਿ ਏਕੇ, વਿਚਾਰੇਤ੍વਾ ਗਹੇਤਬ੍ਬਂ। ‘‘ਇਮਸ੍ਮਿਂ ਸਿਕ੍ਖਾਪਦਦ੍વਯੇ ਕਾਯਸਂਸਗ੍ਗੇ વਿਯ ਯਕ੍ਖਿਪੇਤੀਸੁਪਿ ਦੁਟ੍ਠੁਲ੍ਲਤ੍ਤਕਆਮવਚਨੇ ਥੁਲ੍ਲਚ੍ਚਯਨ੍ਤਿ વਦਨ੍ਤਿ। ਅਟ੍ਠਕਥਾਸੁ ਪਨ ਨਾਗਤ’’ਨ੍ਤਿ (વਜਿਰ॰ ਟੀ॰ ਪਾਰਾਜਿਕ ੨੯੫) ਲਿਖਿਤਂ। ਉਭਤੋਬ੍ਯਞ੍ਜਨਕੋ ਪਨ ਪਣ੍ਡਕਗਤਿਕੋવ।
Duṭṭhullobhāsane vuttappakārāyāti duṭṭhullāduṭṭhullajānanasamatthāya. Parassa bhikkhuno attakāmapāricariyāya vaṇṇabhaṇane dukkaṭaṃ, ‘‘yo te vihāre vasati, tassa aggadānaṃ methunaṃ dhammaṃ dehī’’ti pariyāyavacanepi dukkaṭaṃ, ‘‘attakāmapāricariyāya vaṇṇaṃ bhāseyya, yā mādisaṃ sīlavanta’’nti ca vuttattāti eke. Pañcasu aṅgesu sabbhāvā saṅghādisesovāti eke, vicāretvā gahetabbaṃ. ‘‘Imasmiṃ sikkhāpadadvaye kāyasaṃsagge viya yakkhipetīsupi duṭṭhullattakaāmavacane thullaccayanti vadanti. Aṭṭhakathāsu pana nāgata’’nti (vajira. ṭī. pārājika 295) likhitaṃ. Ubhatobyañjanako pana paṇḍakagatikova.
ਅਤ੍ਤਕਾਮਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Attakāmasikkhāpadavaṇṇanā niṭṭhitā.
