| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. অত্তদীপৰগ্গো
5. Attadīpavaggo
১. অত্তদীপসুত্তৰণ্ণনা
1. Attadīpasuttavaṇṇanā
৪৩. দ্ৰীহি ভাগেহি আপো এত্থ গতাতি দীপো, দীপো ৰিযাতি দীপো ওঘেহি অনজ্ঝোত্থরনীযতায। যো পরো ন হোতি, সো অত্তা, ইধ পন ধম্মো অধিপ্পেতো। অত্তা দীপো এতেসন্তি অত্তদীপা। পটিসরণত্থো দীপট্ঠোতি আহ – ‘‘অত্তসরণাতি ইদং তস্সেৰ ৰেৰচন’’ন্তি। লোকিযলোকুত্তরো ধম্মো অত্তা নাম একন্তনাথভাৰতো। পঠমেন পদেন ৰুত্তো এৰ অত্থো দুতিযপদেন ৰুচ্চতীতি ৰুত্তং ‘‘তেনেৰাহা’’তিআদি। যৰতি এতস্মা ফলং পসৰতীতি যোনি, কারণং। কিং পভুতি উপ্পত্তিট্ঠানং এতেসন্তি কিং পভুতিকা। পহানদস্সনত্থং আরদ্ধং। তেনেৰাহ ‘‘পুব্বে চেৰ…পে॰… তে পহীযন্তী’’তি। ন পরিতস্সতি তণ্হাপরিত্তাসস্স অভাৰতো। ৰিপস্সনঙ্গেনাতি ৰিপস্সনাসঙ্খাতেন কারণেন।
43. Dvīhi bhāgehi āpo ettha gatāti dīpo, dīpo viyāti dīpo oghehi anajjhottharanīyatāya. Yo paro na hoti, so attā, idha pana dhammo adhippeto. Attā dīpo etesanti attadīpā. Paṭisaraṇattho dīpaṭṭhoti āha – ‘‘attasaraṇāti idaṃ tasseva vevacana’’nti. Lokiyalokuttaro dhammo attā nāma ekantanāthabhāvato. Paṭhamena padena vutto eva attho dutiyapadena vuccatīti vuttaṃ ‘‘tenevāhā’’tiādi. Yavati etasmā phalaṃ pasavatīti yoni, kāraṇaṃ. Kiṃ pabhuti uppattiṭṭhānaṃ etesanti kiṃ pabhutikā. Pahānadassanatthaṃ āraddhaṃ. Tenevāha ‘‘pubbe ceva…pe… te pahīyantī’’ti. Na paritassati taṇhāparittāsassa abhāvato. Vipassanaṅgenāti vipassanāsaṅkhātena kāraṇena.
অত্তদীপসুত্তৰণ্ণনা নিট্ঠিতা।
Attadīpasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. অত্তদীপসুত্তং • 1. Attadīpasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. অত্তদীপসুত্তৰণ্ণনা • 1. Attadīpasuttavaṇṇanā
