| Library / Tipiṭaka / තිපිටක • Tipiṭaka / අඞ්ගුත්තරනිකාය • Aṅguttaranikāya |
7. අත්තබ්යාබාධසුත්තං
7. Attabyābādhasuttaṃ
17. ‘‘තයොමෙ, භික්ඛවෙ, ධම්මා අත්තබ්යාබාධායපි සංවත්තන්ති, පරබ්යාබාධායපි සංවත්තන්ති, උභයබ්යාබාධායපි සංවත්තන්ති. කතමෙ තයො? කායදුච්චරිතං, වචීදුච්චරිතං, මනොදුච්චරිතං. ඉමෙ ඛො, භික්ඛවෙ, තයො ධම්මා අත්තබ්යාබාධායපි සංවත්තන්ති, පරබ්යාබාධායපි සංවත්තන්ති, උභයබ්යාබාධායපි සංවත්තන්ති.
17. ‘‘Tayome, bhikkhave, dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti. Katame tayo? Kāyaduccaritaṃ, vacīduccaritaṃ, manoduccaritaṃ. Ime kho, bhikkhave, tayo dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti.
‘‘තයොමෙ, භික්ඛවෙ, ධම්මා නෙවත්තබ්යාබාධායපි සංවත්තන්ති, න පරබ්යාබාධායපි සංවත්තන්ති, න උභයබ්යාබාධායපි සංවත්තන්ති. කතමෙ තයො? කායසුචරිතං, වචීසුචරිතං, මනොසුචරිතං. ඉමෙ ඛො, භික්ඛවෙ, තයො ධම්මා නෙවත්තබ්යාබාධායපි සංවත්තන්ති, න පරබ්යාබාධායපි සංවත්තන්ති, න උභයබ්යාබාධායපි සංවත්තන්තී’’ති. සත්තමං.
‘‘Tayome, bhikkhave, dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattanti. Katame tayo? Kāyasucaritaṃ, vacīsucaritaṃ, manosucaritaṃ. Ime kho, bhikkhave, tayo dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattantī’’ti. Sattamaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / අඞ්ගුත්තරනිකාය (අට්ඨකථා) • Aṅguttaranikāya (aṭṭhakathā) / 7. අත්තබ්යාබාධසුත්තවණ්ණනා • 7. Attabyābādhasuttavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / අඞ්ගුත්තරනිකාය (ටීකා) • Aṅguttaranikāya (ṭīkā) / 7. අත්තබ්යාබාධසුත්තවණ්ණනා • 7. Attabyābādhasuttavaṇṇanā
