| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៧. អត្តព្យាពាធសុត្តំ
7. Attabyābādhasuttaṃ
១៧. ‘‘តយោមេ, ភិក្ខវេ, ធម្មា អត្តព្យាពាធាយបិ សំវត្តន្តិ, បរព្យាពាធាយបិ សំវត្តន្តិ, ឧភយព្យាពាធាយបិ សំវត្តន្តិ។ កតមេ តយោ? កាយទុច្ចរិតំ, វចីទុច្ចរិតំ, មនោទុច្ចរិតំ។ ឥមេ ខោ, ភិក្ខវេ, តយោ ធម្មា អត្តព្យាពាធាយបិ សំវត្តន្តិ, បរព្យាពាធាយបិ សំវត្តន្តិ, ឧភយព្យាពាធាយបិ សំវត្តន្តិ។
17. ‘‘Tayome, bhikkhave, dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti. Katame tayo? Kāyaduccaritaṃ, vacīduccaritaṃ, manoduccaritaṃ. Ime kho, bhikkhave, tayo dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti.
‘‘តយោមេ, ភិក្ខវេ, ធម្មា នេវត្តព្យាពាធាយបិ សំវត្តន្តិ, ន បរព្យាពាធាយបិ សំវត្តន្តិ, ន ឧភយព្យាពាធាយបិ សំវត្តន្តិ។ កតមេ តយោ? កាយសុចរិតំ, វចីសុចរិតំ, មនោសុចរិតំ។ ឥមេ ខោ, ភិក្ខវេ, តយោ ធម្មា នេវត្តព្យាពាធាយបិ សំវត្តន្តិ, ន បរព្យាពាធាយបិ សំវត្តន្តិ, ន ឧភយព្យាពាធាយបិ សំវត្តន្តី’’តិ។ សត្តមំ។
‘‘Tayome, bhikkhave, dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattanti. Katame tayo? Kāyasucaritaṃ, vacīsucaritaṃ, manosucaritaṃ. Ime kho, bhikkhave, tayo dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattantī’’ti. Sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៧. អត្តព្យាពាធសុត្តវណ្ណនា • 7. Attabyābādhasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៧. អត្តព្យាពាធសុត្តវណ្ណនា • 7. Attabyābādhasuttavaṇṇanā
