| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૭. અત્તબ્યાબાધસુત્તં
7. Attabyābādhasuttaṃ
૧૭. ‘‘તયોમે, ભિક્ખવે, ધમ્મા અત્તબ્યાબાધાયપિ સંવત્તન્તિ, પરબ્યાબાધાયપિ સંવત્તન્તિ, ઉભયબ્યાબાધાયપિ સંવત્તન્તિ. કતમે તયો? કાયદુચ્ચરિતં, વચીદુચ્ચરિતં, મનોદુચ્ચરિતં. ઇમે ખો, ભિક્ખવે, તયો ધમ્મા અત્તબ્યાબાધાયપિ સંવત્તન્તિ, પરબ્યાબાધાયપિ સંવત્તન્તિ, ઉભયબ્યાબાધાયપિ સંવત્તન્તિ.
17. ‘‘Tayome, bhikkhave, dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti. Katame tayo? Kāyaduccaritaṃ, vacīduccaritaṃ, manoduccaritaṃ. Ime kho, bhikkhave, tayo dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti.
‘‘તયોમે, ભિક્ખવે, ધમ્મા નેવત્તબ્યાબાધાયપિ સંવત્તન્તિ, ન પરબ્યાબાધાયપિ સંવત્તન્તિ, ન ઉભયબ્યાબાધાયપિ સંવત્તન્તિ. કતમે તયો? કાયસુચરિતં, વચીસુચરિતં, મનોસુચરિતં. ઇમે ખો, ભિક્ખવે, તયો ધમ્મા નેવત્તબ્યાબાધાયપિ સંવત્તન્તિ, ન પરબ્યાબાધાયપિ સંવત્તન્તિ, ન ઉભયબ્યાબાધાયપિ સંવત્તન્તી’’તિ. સત્તમં.
‘‘Tayome, bhikkhave, dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattanti. Katame tayo? Kāyasucaritaṃ, vacīsucaritaṃ, manosucaritaṃ. Ime kho, bhikkhave, tayo dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattantī’’ti. Sattamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૭. અત્તબ્યાબાધસુત્તવણ્ણના • 7. Attabyābādhasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૭. અત્તબ્યાબાધસુત્તવણ્ણના • 7. Attabyābādhasuttavaṇṇanā
