| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౭. అత్తబ్యాబాధసుత్తం
7. Attabyābādhasuttaṃ
౧౭. ‘‘తయోమే, భిక్ఖవే, ధమ్మా అత్తబ్యాబాధాయపి సంవత్తన్తి, పరబ్యాబాధాయపి సంవత్తన్తి, ఉభయబ్యాబాధాయపి సంవత్తన్తి. కతమే తయో? కాయదుచ్చరితం, వచీదుచ్చరితం, మనోదుచ్చరితం. ఇమే ఖో, భిక్ఖవే, తయో ధమ్మా అత్తబ్యాబాధాయపి సంవత్తన్తి, పరబ్యాబాధాయపి సంవత్తన్తి, ఉభయబ్యాబాధాయపి సంవత్తన్తి.
17. ‘‘Tayome, bhikkhave, dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti. Katame tayo? Kāyaduccaritaṃ, vacīduccaritaṃ, manoduccaritaṃ. Ime kho, bhikkhave, tayo dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti.
‘‘తయోమే, భిక్ఖవే, ధమ్మా నేవత్తబ్యాబాధాయపి సంవత్తన్తి, న పరబ్యాబాధాయపి సంవత్తన్తి, న ఉభయబ్యాబాధాయపి సంవత్తన్తి. కతమే తయో? కాయసుచరితం, వచీసుచరితం, మనోసుచరితం. ఇమే ఖో, భిక్ఖవే, తయో ధమ్మా నేవత్తబ్యాబాధాయపి సంవత్తన్తి, న పరబ్యాబాధాయపి సంవత్తన్తి, న ఉభయబ్యాబాధాయపి సంవత్తన్తీ’’తి. సత్తమం.
‘‘Tayome, bhikkhave, dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattanti. Katame tayo? Kāyasucaritaṃ, vacīsucaritaṃ, manosucaritaṃ. Ime kho, bhikkhave, tayo dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattantī’’ti. Sattamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౭. అత్తబ్యాబాధసుత్తవణ్ణనా • 7. Attabyābādhasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౭. అత్తబ్యాబాధసుత్తవణ్ణనా • 7. Attabyābādhasuttavaṇṇanā
