| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৭. অত্তব্যাবাধসুত্তং
7. Attabyābādhasuttaṃ
১৭. ‘‘তযোমে, ভিক্খৰে, ধম্মা অত্তব্যাবাধাযপি সংৰত্তন্তি, পরব্যাবাধাযপি সংৰত্তন্তি, উভযব্যাবাধাযপি সংৰত্তন্তি। কতমে তযো? কাযদুচ্চরিতং, ৰচীদুচ্চরিতং, মনোদুচ্চরিতং। ইমে খো, ভিক্খৰে, তযো ধম্মা অত্তব্যাবাধাযপি সংৰত্তন্তি, পরব্যাবাধাযপি সংৰত্তন্তি, উভযব্যাবাধাযপি সংৰত্তন্তি।
17. ‘‘Tayome, bhikkhave, dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti. Katame tayo? Kāyaduccaritaṃ, vacīduccaritaṃ, manoduccaritaṃ. Ime kho, bhikkhave, tayo dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti.
‘‘তযোমে, ভিক্খৰে, ধম্মা নেৰত্তব্যাবাধাযপি সংৰত্তন্তি, ন পরব্যাবাধাযপি সংৰত্তন্তি, ন উভযব্যাবাধাযপি সংৰত্তন্তি। কতমে তযো? কাযসুচরিতং, ৰচীসুচরিতং, মনোসুচরিতং। ইমে খো, ভিক্খৰে, তযো ধম্মা নেৰত্তব্যাবাধাযপি সংৰত্তন্তি, ন পরব্যাবাধাযপি সংৰত্তন্তি, ন উভযব্যাবাধাযপি সংৰত্তন্তী’’তি। সত্তমং।
‘‘Tayome, bhikkhave, dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattanti. Katame tayo? Kāyasucaritaṃ, vacīsucaritaṃ, manosucaritaṃ. Ime kho, bhikkhave, tayo dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattantī’’ti. Sattamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৭. অত্তব্যাবাধসুত্তৰণ্ণনা • 7. Attabyābādhasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭. অত্তব্যাবাধসুত্তৰণ্ণনা • 7. Attabyābādhasuttavaṇṇanā
