| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೧೧. ಅತೀತಾನಾಗತಸಮನ್ನಾಗತಕಥಾವಣ್ಣನಾ
11. Atītānāgatasamannāgatakathāvaṇṇanā
೫೬೮-೫೭೦. ಇದಾನಿ ಅತೀತಾನಾಗತೇಹಿ ಸಮನ್ನಾಗತಕಥಾ ನಾಮ ಹೋತಿ। ತತ್ಥ ಸಮನ್ನಾಗತಪಞ್ಞತ್ತಿ ಪಟಿಲಾಭಪಞ್ಞತ್ತೀತಿ ದ್ವೇ ಪಞ್ಞತ್ತಿಯೋ ವೇದಿತಬ್ಬಾ। ತಾಸು ಪಚ್ಚುಪ್ಪನ್ನಧಮ್ಮಸಮಙ್ಗೀ ಸಮನ್ನಾಗತೋತಿ ವುಚ್ಚತಿ। ಅಟ್ಠ ಸಮಾಪತ್ತಿಲಾಭಿನೋ ಪನ ಸಮಾಪತ್ತಿಯೋ ಕಿಞ್ಚಾಪಿ ನ ಏಕಕ್ಖಣೇ ಪವತ್ತನ್ತಿ, ಅಞ್ಞಾ ಅತೀತಾ ಹೋನ್ತಿ, ಅಞ್ಞಾ ಅನಾಗತಾ, ಅಞ್ಞಾ ಪಚ್ಚುಪ್ಪನ್ನಾ, ಪಟಿವಿಜ್ಝಿತ್ವಾ ಅಪರಿಹೀನತಾಯ ಪನ ಲಾಭೀತಿ ವುಚ್ಚತಿ। ತತ್ಥ ಯೇಸಂ ಇಮಂ ವಿಭಾಗಂ ಅಗ್ಗಹೇತ್ವಾ ಯಸ್ಮಾ ಝಾನಲಾಭೀನಂ ಅತೀತಾನಾಗತಾನಿ ಝಾನಾನಿಪಿ ಅತ್ಥಿ, ತಸ್ಮಾ ‘‘ತೇ ಅತೀತೇನಪಿ ಅನಾಗತೇನಪಿ ಸಮನ್ನಾಗತಾ’’ತಿ ಲದ್ಧಿ, ಸೇಯ್ಯಥಾಪಿ ಅನ್ಧಕಾನಂ। ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಸೇಸಮೇತ್ಥ ಉತ್ತಾನತ್ಥಮೇವಾತಿ। ‘‘ಅಟ್ಠವಿಮೋಕ್ಖಝಾಯೀ’’ತಿಆದಿ ಪನ ಲಾಭೀಭಾವಸ್ಸ ಸಾಧಕಂ, ನ ಸಮನ್ನಾಗತಭಾವಸ್ಸಾತಿ।
568-570. Idāni atītānāgatehi samannāgatakathā nāma hoti. Tattha samannāgatapaññatti paṭilābhapaññattīti dve paññattiyo veditabbā. Tāsu paccuppannadhammasamaṅgī samannāgatoti vuccati. Aṭṭha samāpattilābhino pana samāpattiyo kiñcāpi na ekakkhaṇe pavattanti, aññā atītā honti, aññā anāgatā, aññā paccuppannā, paṭivijjhitvā aparihīnatāya pana lābhīti vuccati. Tattha yesaṃ imaṃ vibhāgaṃ aggahetvā yasmā jhānalābhīnaṃ atītānāgatāni jhānānipi atthi, tasmā ‘‘te atītenapi anāgatenapi samannāgatā’’ti laddhi, seyyathāpi andhakānaṃ. Te sandhāya pucchā sakavādissa, paṭiññā itarassa. Sesamettha uttānatthamevāti. ‘‘Aṭṭhavimokkhajhāyī’’tiādi pana lābhībhāvassa sādhakaṃ, na samannāgatabhāvassāti.
ಅತೀತಾನಾಗತಸಮನ್ನಾಗತಕಥಾವಣ್ಣನಾ।
Atītānāgatasamannāgatakathāvaṇṇanā.
ನವಮೋ ವಗ್ಗೋ।
Navamo vaggo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೯೪) ೧೧. ಅತೀತಾನಾಗತಸಮನ್ನಾಗತಕಥಾ • (94) 11. Atītānāgatasamannāgatakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೧. ಅತೀತಾನಾಗತಸಮನ್ನಾಗತಕಥಾವಣ್ಣನಾ • 11. Atītānāgatasamannāgatakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೧. ಅತೀತಾನಾಗತಸಮನ್ನಾಗತಕಥಾವಣ್ಣನಾ • 11. Atītānāgatasamannāgatakathāvaṇṇanā
