| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੩. ਅਤਿਨਿવਾਸਸੁਤ੍ਤਂ
3. Atinivāsasuttaṃ
੨੨੩. ‘‘ਪਞ੍ਚਿਮੇ , ਭਿਕ੍ਖવੇ, ਆਦੀਨવਾ ਅਤਿਨਿવਾਸੇ। ਕਤਮੇ ਪਞ੍ਚ? ਬਹੁਭਣ੍ਡੋ ਹੋਤਿ ਬਹੁਭਣ੍ਡਸਨ੍ਨਿਚਯੋ, ਬਹੁਭੇਸਜ੍ਜੋ ਹੋਤਿ ਬਹੁਭੇਸਜ੍ਜਸਨ੍ਨਿਚਯੋ, ਬਹੁਕਿਚ੍ਚੋ ਹੋਤਿ ਬਹੁਕਰਣੀਯੋ ਬ੍ਯਤ੍ਤੋ ਕਿਂਕਰਣੀਯੇਸੁ, ਸਂਸਟ੍ਠੋ વਿਹਰਤਿ ਗਹਟ੍ਠਪਬ੍ਬਜਿਤੇਹਿ ਅਨਨੁਲੋਮਿਕੇਨ ਗਿਹਿਸਂਸਗ੍ਗੇਨ, ਤਮ੍ਹਾ ਚ ਆવਾਸਾ ਪਕ੍ਕਮਨ੍ਤੋ ਸਾਪੇਕ੍ਖੋ ਪਕ੍ਕਮਤਿ। ਇਮੇ ਖੋ, ਭਿਕ੍ਖવੇ, ਪਞ੍ਚ ਆਦੀਨવਾ ਅਤਿਨਿવਾਸੇ।
223. ‘‘Pañcime , bhikkhave, ādīnavā atinivāse. Katame pañca? Bahubhaṇḍo hoti bahubhaṇḍasannicayo, bahubhesajjo hoti bahubhesajjasannicayo, bahukicco hoti bahukaraṇīyo byatto kiṃkaraṇīyesu, saṃsaṭṭho viharati gahaṭṭhapabbajitehi ananulomikena gihisaṃsaggena, tamhā ca āvāsā pakkamanto sāpekkho pakkamati. Ime kho, bhikkhave, pañca ādīnavā atinivāse.
‘‘ਪਞ੍ਚਿਮੇ, ਭਿਕ੍ਖવੇ, ਆਨਿਸਂਸਾ ਸਮવਤ੍ਥવਾਸੇ। ਕਤਮੇ ਪਞ੍ਚ? ਨ ਬਹੁਭਣ੍ਡੋ ਹੋਤਿ ਨ ਬਹੁਭਣ੍ਡਸਨ੍ਨਿਚਯੋ, ਨ ਬਹੁਭੇਸਜ੍ਜੋ ਹੋਤਿ ਨ ਬਹੁਭੇਸਜ੍ਜਸਨ੍ਨਿਚਯੋ, ਨ ਬਹੁਕਿਚ੍ਚੋ ਹੋਤਿ ਨ ਬਹੁਕਰਣੀਯੋ ਨ ਬ੍ਯਤ੍ਤੋ ਕਿਂਕਰਣੀਯੇਸੁ, ਅਸਂਸਟ੍ਠੋ વਿਹਰਤਿ ਗਹਟ੍ਠਪਬ੍ਬਜਿਤੇਹਿ ਅਨਨੁਲੋਮਿਕੇਨ ਗਿਹਿਸਂਸਗ੍ਗੇਨ, ਤਮ੍ਹਾ ਚ ਆવਾਸਾ ਪਕ੍ਕਮਨ੍ਤੋ ਅਨਪੇਕ੍ਖੋ ਪਕ੍ਕਮਤਿ। ਇਮੇ ਖੋ, ਭਿਕ੍ਖવੇ, ਪਞ੍ਚ ਆਨਿਸਂਸਾ ਸਮવਤ੍ਥવਾਸੇ’’ਤਿ। ਤਤਿਯਂ।
‘‘Pañcime, bhikkhave, ānisaṃsā samavatthavāse. Katame pañca? Na bahubhaṇḍo hoti na bahubhaṇḍasannicayo, na bahubhesajjo hoti na bahubhesajjasannicayo, na bahukicco hoti na bahukaraṇīyo na byatto kiṃkaraṇīyesu, asaṃsaṭṭho viharati gahaṭṭhapabbajitehi ananulomikena gihisaṃsaggena, tamhā ca āvāsā pakkamanto anapekkho pakkamati. Ime kho, bhikkhave, pañca ānisaṃsā samavatthavāse’’ti. Tatiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੩-੪. ਅਤਿਨਿવਾਸਸੁਤ੍ਤਾਦਿવਣ੍ਣਨਾ • 3-4. Atinivāsasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਪਠਮਦੀਘਚਾਰਿਕਸੁਤ੍ਤਾਦਿવਣ੍ਣਨਾ • 1-10. Paṭhamadīghacārikasuttādivaṇṇanā
