| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
៧. អាតាបីសុត្តំ
7. Ātāpīsuttaṃ
៣៤. វុត្តញ្ហេតំ ភគវតា, វុត្តមរហតាតិ មេ សុតំ –
34. Vuttañhetaṃ bhagavatā, vuttamarahatāti me sutaṃ –
‘‘អនាតាបី, ភិក្ខវេ, ភិក្ខុ អនោត្តាបី 1 អភព្ពោ សម្ពោធាយ, អភព្ពោ និព្ពានាយ, អភព្ពោ អនុត្តរស្ស យោគក្ខេមស្ស អធិគមាយ។ អាតាបី ច ខោ, ភិក្ខវេ, ភិក្ខុ ឱត្តាបី 2 ភព្ពោ សម្ពោធាយ, ភព្ពោ និព្ពានាយ, ភព្ពោ អនុត្តរស្ស យោគក្ខេមស្ស អធិគមាយា’’តិ។ ឯតមត្ថំ ភគវា អវោច ។ តត្ថេតំ ឥតិ វុច្ចតិ –
‘‘Anātāpī, bhikkhave, bhikkhu anottāpī 3 abhabbo sambodhāya, abhabbo nibbānāya, abhabbo anuttarassa yogakkhemassa adhigamāya. Ātāpī ca kho, bhikkhave, bhikkhu ottāpī 4 bhabbo sambodhāya, bhabbo nibbānāya, bhabbo anuttarassa yogakkhemassa adhigamāyā’’ti. Etamatthaṃ bhagavā avoca . Tatthetaṃ iti vuccati –
‘‘អនាតាបី អនោត្តាបី, កុសីតោ ហីនវីរិយោ;
‘‘Anātāpī anottāpī, kusīto hīnavīriyo;
យោ ថីនមិទ្ធពហុលោ, អហិរីកោ អនាទរោ;
Yo thīnamiddhabahulo, ahirīko anādaro;
អភព្ពោ តាទិសោ ភិក្ខុ, ផុដ្ឋុំ សម្ពោធិមុត្តមំ។
Abhabbo tādiso bhikkhu, phuṭṭhuṃ sambodhimuttamaṃ.
‘‘យោ ច សតិមា និបកោ ឈាយី, អាតាបី ឱត្តាបី ច អប្បមត្តោ;
‘‘Yo ca satimā nipako jhāyī, ātāpī ottāpī ca appamatto;
សំយោជនំ ជាតិជរាយ ឆេត្វា, ឥធេវ សម្ពោធិមនុត្តរំ ផុសេ’’តិ។
Saṃyojanaṃ jātijarāya chetvā, idheva sambodhimanuttaraṃ phuse’’ti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ សត្តមំ។
Ayampi attho vutto bhagavatā, iti me sutanti. Sattamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ៧. អាតាបីសុត្តវណ្ណនា • 7. Ātāpīsuttavaṇṇanā
