| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๗. อาตาปีสุตฺตํ
7. Ātāpīsuttaṃ
๓๔. วุตฺตเญฺหตํ ภควตา, วุตฺตมรหตาติ เม สุตํ –
34. Vuttañhetaṃ bhagavatā, vuttamarahatāti me sutaṃ –
‘‘อนาตาปี, ภิกฺขเว, ภิกฺขุ อโนตฺตาปี 1 อภโพฺพ สโมฺพธาย, อภโพฺพ นิพฺพานาย, อภโพฺพ อนุตฺตรสฺส โยคเกฺขมสฺส อธิคมายฯ อาตาปี จ โข, ภิกฺขเว, ภิกฺขุ โอตฺตาปี 2 ภโพฺพ สโมฺพธาย, ภโพฺพ นิพฺพานาย, ภโพฺพ อนุตฺตรสฺส โยคเกฺขมสฺส อธิคมายา’’ติฯ เอตมตฺถํ ภควา อโวจ ฯ ตเตฺถตํ อิติ วุจฺจติ –
‘‘Anātāpī, bhikkhave, bhikkhu anottāpī 3 abhabbo sambodhāya, abhabbo nibbānāya, abhabbo anuttarassa yogakkhemassa adhigamāya. Ātāpī ca kho, bhikkhave, bhikkhu ottāpī 4 bhabbo sambodhāya, bhabbo nibbānāya, bhabbo anuttarassa yogakkhemassa adhigamāyā’’ti. Etamatthaṃ bhagavā avoca . Tatthetaṃ iti vuccati –
‘‘อนาตาปี อโนตฺตาปี, กุสีโต หีนวีริโย;
‘‘Anātāpī anottāpī, kusīto hīnavīriyo;
โย ถีนมิทฺธพหุโล, อหิรีโก อนาทโร;
Yo thīnamiddhabahulo, ahirīko anādaro;
อภโพฺพ ตาทิโส ภิกฺขุ, ผุฎฺฐุํ สโมฺพธิมุตฺตมํฯ
Abhabbo tādiso bhikkhu, phuṭṭhuṃ sambodhimuttamaṃ.
‘‘โย จ สติมา นิปโก ฌายี, อาตาปี โอตฺตาปี จ อปฺปมโตฺต;
‘‘Yo ca satimā nipako jhāyī, ātāpī ottāpī ca appamatto;
สํโยชนํ ชาติชราย เฉตฺวา, อิเธว สโมฺพธิมนุตฺตรํ ผุเส’’ติฯ
Saṃyojanaṃ jātijarāya chetvā, idheva sambodhimanuttaraṃ phuse’’ti.
อยมฺปิ อโตฺถ วุโตฺต ภควตา, อิติ เม สุตนฺติฯ สตฺตมํฯ
Ayampi attho vutto bhagavatā, iti me sutanti. Sattamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๗. อาตาปีสุตฺตวณฺณนา • 7. Ātāpīsuttavaṇṇanā
