| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
7. аад̇аабийсуд̇д̇ам̣
7. Ātāpīsuttaṃ
34. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
34. Vuttañhetaṃ bhagavatā, vuttamarahatāti me sutaṃ –
‘‘анаад̇аабий, бхигкавз, бхигку анод̇д̇аабий 1 абхаб̣б̣о самб̣од̇хааяа, абхаб̣б̣о ниб̣б̣аанааяа, абхаб̣б̣о ануд̇д̇арасса яог̇агкзмасса ад̇хиг̇амааяа. аад̇аабий жа ко, бхигкавз, бхигку од̇д̇аабий 2 бхаб̣б̣о самб̣од̇хааяа, бхаб̣б̣о ниб̣б̣аанааяа, бхаб̣б̣о ануд̇д̇арасса яог̇агкзмасса ад̇хиг̇амааяаа’’д̇и. зд̇амад̇т̇ам̣ бхаг̇аваа авожа . д̇ад̇т̇зд̇ам̣ ид̇и вужжад̇и –
‘‘Anātāpī, bhikkhave, bhikkhu anottāpī 3 abhabbo sambodhāya, abhabbo nibbānāya, abhabbo anuttarassa yogakkhemassa adhigamāya. Ātāpī ca kho, bhikkhave, bhikkhu ottāpī 4 bhabbo sambodhāya, bhabbo nibbānāya, bhabbo anuttarassa yogakkhemassa adhigamāyā’’ti. Etamatthaṃ bhagavā avoca . Tatthetaṃ iti vuccati –
‘‘анаад̇аабий анод̇д̇аабий, гусийд̇о хийнавийрияо;
‘‘Anātāpī anottāpī, kusīto hīnavīriyo;
яо т̇ийнамид̣̇д̇хаб̣ахуло, ахирийго анаад̣̇аро;
Yo thīnamiddhabahulo, ahirīko anādaro;
абхаб̣б̣о д̇аад̣̇исо бхигку, пудтум̣ самб̣од̇химуд̇д̇амам̣.
Abhabbo tādiso bhikkhu, phuṭṭhuṃ sambodhimuttamaṃ.
‘‘яо жа сад̇имаа нибаго жхааяий, аад̇аабий од̇д̇аабий жа аббамад̇д̇о;
‘‘Yo ca satimā nipako jhāyī, ātāpī ottāpī ca appamatto;
сам̣яож̇анам̣ ж̇аад̇иж̇арааяа чзд̇ваа, ид̇хзва самб̣од̇химануд̇д̇арам̣ пусз’’д̇и.
Saṃyojanaṃ jātijarāya chetvā, idheva sambodhimanuttaraṃ phuse’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. сад̇д̇амам̣.
Ayampi attho vutto bhagavatā, iti me sutanti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 7. аад̇аабийсуд̇д̇аван̣н̣анаа • 7. Ātāpīsuttavaṇṇanā
