| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. ཨཏམྨཡསུཏྟཾ
9. Atammayasuttaṃ
༡༠༤. ‘‘ཚ, བྷིཀྑཝེ, ཨཱནིསཾསེ སམྤསྶམཱནེན ཨལམེཝ བྷིཀྑུནཱ སབྦདྷམྨེསུ ཨནོདྷིཾ ཀརིཏྭཱ ཨནཏྟསཉྙཾ ཨུཔཊྛཱཔེཏུཾ། ཀཏམེ ཚ? སབྦལོཀེ ཙ ཨཏམྨཡོ བྷཝིསྶཱམི, ཨཧངྐཱརཱ ཙ མེ ཨུཔརུཛ྄ཛྷིསྶནྟི, མམངྐཱརཱ ཙ མེ ཨུཔརུཛ྄ཛྷིསྶནྟི, ཨསཱདྷཱརཎེན ཙ ཉཱཎེན སམནྣཱགཏོ བྷཝིསྶཱམི, ཧེཏུ ཙ མེ སུདིཊྛོ བྷཝིསྶཏི, ཧེཏུསམུཔྤནྣཱ ཙ དྷམྨཱ། ཨིམེ ཁོ, བྷིཀྑཝེ, ཚ ཨཱནིསཾསེ སམྤསྶམཱནེན ཨལམེཝ བྷིཀྑུནཱ སབྦདྷམྨེསུ ཨནོདྷིཾ ཀརིཏྭཱ ཨནཏྟསཉྙཾ ཨུཔཊྛཱཔེཏུ’’ནྟི། ནཝམཾ།
104. ‘‘Cha, bhikkhave, ānisaṃse sampassamānena alameva bhikkhunā sabbadhammesu anodhiṃ karitvā anattasaññaṃ upaṭṭhāpetuṃ. Katame cha? Sabbaloke ca atammayo bhavissāmi, ahaṅkārā ca me uparujjhissanti, mamaṅkārā ca me uparujjhissanti, asādhāraṇena ca ñāṇena samannāgato bhavissāmi, hetu ca me sudiṭṭho bhavissati, hetusamuppannā ca dhammā. Ime kho, bhikkhave, cha ānisaṃse sampassamānena alameva bhikkhunā sabbadhammesu anodhiṃ karitvā anattasaññaṃ upaṭṭhāpetu’’nti. Navamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༩. ཨཏམྨཡསུཏྟཝཎྞནཱ • 9. Atammayasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༡. པཱཏུབྷཱཝསུཏྟཱདིཝཎྞནཱ • 1-11. Pātubhāvasuttādivaṇṇanā
