| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৩. অসুরিন্দকসুত্তৰণ্ণনা
3. Asurindakasuttavaṇṇanā
১৮৯. ততিযে অসুরিন্দকভারদ্ৰাজোতি অক্কোসকভারদ্ৰাজস্স কনিট্ঠো। কুপিতোতি তেনেৰ কারণেন কুদ্ধো। জযঞ্চেৰস্স তং হোতীতি অস্সেৰ তং জযং হোতি, সো জযো হোতীতি অত্থো । কতমস্সাতি? যা তিতিক্খা ৰিজানতো অধিৰাসনায গুণং ৰিজানন্তস্স তিতিক্খা অধিৰাসনা, অযং তস্স ৰিজানতোৰ জযো। বালো পন ফরুসং ভণন্তো ‘‘ময্হং জযো’’তি কেৰলং জযং মঞ্ঞতি। ততিযং।
189. Tatiye asurindakabhāradvājoti akkosakabhāradvājassa kaniṭṭho. Kupitoti teneva kāraṇena kuddho. Jayañcevassa taṃ hotīti asseva taṃ jayaṃ hoti, so jayo hotīti attho . Katamassāti? Yā titikkhā vijānato adhivāsanāya guṇaṃ vijānantassa titikkhā adhivāsanā, ayaṃ tassa vijānatova jayo. Bālo pana pharusaṃ bhaṇanto ‘‘mayhaṃ jayo’’ti kevalaṃ jayaṃ maññati. Tatiyaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. অসুরিন্দকসুত্তং • 3. Asurindakasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. অসুরিন্দকসুত্তৰণ্ণনা • 3. Asurindakasuttavaṇṇanā
