| Library / Tipiṭaka / ཏིཔིཊཀ • Tipiṭaka / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā |
ཨསུབྷཀཐཱཝཎྞནཱ
Asubhakathāvaṇṇanā
༢༦༣. ཨུདྡྷཾ དྷུམཱཏཏྟཱ ཨུདྡྷུམཱཏཾ། སེཏརཏྟེཧི པརིབྷིནྣཾ ཝིམིསྶིཏཾ ནཱིལཾ ཝིནཱིལཾ, པུརིམཝཎྞཝིཔརིཎཱམབྷཱུཏཾ ཝཱ ནཱིལཾ ཝིནཱིལཾ། སངྒྷཱཊོ ཨངྒཱནཾ སུསམྦདྡྷཏཱ། ཨཱརམྨཎསྶ དུབྦལཏཱ པཊིཔཀྑབྷཱཝེན ཙིཏྟཾ ཋཔེཏུཾ ཨསམཏྠཏཱ། ཨཏྟནི ཨཱནིསཾསདསྶནནཱིཝརཎརོགཝཱུཔསམཱནཾ ཡཐཱཀྐམཾ པུཔྥཚཌྜཀཝམནཝིརེཙནཨུཔམཱ ཡོཛེཏབྦཱ། པཊིཀཱུལམནསིཀཱརསཱམཉྙེན ཨསུབྷེཧི ཀེསཱདཱིཧི པཊིཀཱུལཛ྄ཛྷཱནསྶ གཧཎཾ སིཝཐིཀཱཝཎྞཛ྄ཛྷཱནསྶ ཙ། ཏམྤི ཧི པཊིཀཱུལམནསིཀཱརཝསེནེཝ ཨུཔྤཛྫཏཱིཏི, སིཝཐིཀཔྤཀཱརཱནི ཝཱ སིཝཐིཀཱཝཎྞཱནི།
263. Uddhaṃ dhumātattā uddhumātaṃ. Setarattehi paribhinnaṃ vimissitaṃ nīlaṃ vinīlaṃ, purimavaṇṇavipariṇāmabhūtaṃ vā nīlaṃ vinīlaṃ. Saṅghāṭo aṅgānaṃ susambaddhatā. Ārammaṇassa dubbalatā paṭipakkhabhāvena cittaṃ ṭhapetuṃ asamatthatā. Attani ānisaṃsadassananīvaraṇarogavūpasamānaṃ yathākkamaṃ pupphachaḍḍakavamanavirecanaupamā yojetabbā. Paṭikūlamanasikārasāmaññena asubhehi kesādīhi paṭikūlajjhānassa gahaṇaṃ sivathikāvaṇṇajjhānassa ca. Tampi hi paṭikūlamanasikāravaseneva uppajjatīti, sivathikappakārāni vā sivathikāvaṇṇāni.
ཨསུབྷཀཐཱཝཎྞནཱ ནིཊྛིཏཱ།
Asubhakathāvaṇṇanā niṭṭhitā.
རཱུཔཱཝཙརཀུསལཀཐཱཝཎྞནཱ ནིཊྛིཏཱ།
Rūpāvacarakusalakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷམྨསངྒཎཱིཔཱལི༹ • Dhammasaṅgaṇīpāḷi / རཱུཔཱཝཙརཀུསལཾ • Rūpāvacarakusalaṃ
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā / ཨསུབྷཀཐཱ • Asubhakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-ཨནུཊཱིཀཱ • Dhammasaṅgaṇī-anuṭīkā / ཨསུབྷཀཐཱཝཎྞནཱ • Asubhakathāvaṇṇanā
