| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೩. ಅಸ್ಸುಸುತ್ತವಣ್ಣನಾ
3. Assusuttavaṇṇanā
೧೨೬. ಕನ್ದನಂ ಸಸದ್ದಂ, ರೋದನಂ ಪನ ಕೇವಲಮೇವಾತಿ ಆಹ ‘‘ಕನ್ದನ್ತಾನನ್ತಿ ಸಸದ್ದಂ ರುದಮಾನಾನ’’ನ್ತಿ। ಪವತ್ತನ್ತಿ ಸನ್ದನವಸೇನ ಪವತ್ತಂ। ‘‘ಸಿನೇರುರಸ್ಮೀಹಿ ಪರಿಚ್ಛಿನ್ನೇಸೂ’’ತಿ ಸಙ್ಖೇಪೇನ ವುತ್ತಮತ್ಥಂ ವಿವರನ್ತೋ ‘‘ಸಿನೇರುಸ್ಸಾ’’ತಿಆದಿಮಾಹ। ಮಣಿಮಯನ್ತಿ ಇನ್ದನೀಲಮಣಿಮಯಂ। ಸಿನೇರುಸ್ಸ ಪುಬ್ಬದಕ್ಖಿಣಕೋಣಸಮಪದೇಸಾ ‘‘ಪುಬ್ಬದಕ್ಖಿಣಪಸ್ಸಾ’’ತಿ ಅಧಿಪ್ಪೇತಾ। ತೇಹಿ ನಿಕ್ಖನ್ತರಜತರಸ್ಮಿಯೋ ಇನ್ದನೀಲರಸ್ಮಿಯೋ ಚ ಏಕತೋ ಹುತ್ವಾ। ತಾಸಂ ರಸ್ಮೀನಂ ಅನ್ತರೇಸೂತಿ ತಾಸಂ ಚತೂಹಿ ಕೋಣೇಹಿ ನಿಕ್ಖನ್ತರಸ್ಮೀನಂ ಚತೂಸು ಅನ್ತರೇಸು। ಚತ್ತಾರೋತಿ ದಕ್ಖಿಣಾದಿಭೇದಾ ಚತ್ತಾರೋ ಮಹಾಸಮುದ್ದಾ ಹೋನ್ತಿ। ವಿಅಸನನ್ತಿ ವಿಸೇಸೇನ ಖೇಪನಂ। ಕಿಂ ಪನ ತನ್ತಿ ಆಹ ‘‘ವಿನಾಸೋತಿ ಅತ್ಥೋ’’ತಿ।
126. Kandanaṃ sasaddaṃ, rodanaṃ pana kevalamevāti āha ‘‘kandantānanti sasaddaṃ rudamānāna’’nti. Pavattanti sandanavasena pavattaṃ. ‘‘Sinerurasmīhi paricchinnesū’’ti saṅkhepena vuttamatthaṃ vivaranto ‘‘sinerussā’’tiādimāha. Maṇimayanti indanīlamaṇimayaṃ. Sinerussa pubbadakkhiṇakoṇasamapadesā ‘‘pubbadakkhiṇapassā’’ti adhippetā. Tehi nikkhantarajatarasmiyo indanīlarasmiyo ca ekato hutvā. Tāsaṃ rasmīnaṃ antaresūti tāsaṃ catūhi koṇehi nikkhantarasmīnaṃ catūsu antaresu. Cattāroti dakkhiṇādibhedā cattāro mahāsamuddā honti. Viasananti visesena khepanaṃ. Kiṃ pana tanti āha ‘‘vināsoti attho’’ti.
ಅಸ್ಸುಸುತ್ತವಣ್ಣನಾ ನಿಟ್ಠಿತಾ।
Assusuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೩. ಅಸ್ಸುಸುತ್ತಂ • 3. Assusuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೩. ಅಸ್ಸುಸುತ್ತವಣ್ಣನಾ • 3. Assusuttavaṇṇanā
