| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
11. அஸ்ஸாஸபஸ்ஸாஸனிரோத⁴பஞ்ஹோ
11. Assāsapassāsanirodhapañho
11. ராஜா ஆஹ ‘‘ப⁴ந்தே நாக³ஸேன, தும்ஹே ஏவங் ப⁴ணத² ‘ஸக்கா அஸ்ஸாஸபஸ்ஸாஸே நிரோதே⁴து’’’ந்தி? ‘‘ஆம, மஹாராஜ, ஸக்கா அஸ்ஸாஸபஸ்ஸாஸே நிரோதே⁴து’’ந்தி. ‘‘கத²ங், ப⁴ந்தே நாக³ஸேன, ஸக்கா அஸ்ஸாஸபஸ்ஸாஸே நிரோதே⁴து’’ந்தி. ‘‘தங் கிங் மஞ்ஞஸி, மஹாராஜ, ஸுதபுப்³போ³ தே கோசி காகச்ச²மானோ’’தி. ‘‘ஆம, ப⁴ந்தே, ஸுதபுப்³போ³’’தி. ‘‘கிங் நு கோ², மஹாராஜ, ஸோ ஸத்³தோ³ காயே நமிதே விரமெய்யா’’தி. ‘‘ஆம, ப⁴ந்தே, விரமெய்யா’’தி. ‘‘ஸோ ஹி நாம, மஹாராஜ, ஸத்³தோ³ அபா⁴விதகாயஸ்ஸ அபா⁴விதஸீலஸ்ஸ அபா⁴விதசித்தஸ்ஸ அபா⁴விதபஞ்ஞஸ்ஸ காயே நமிதே விரமிஸ்ஸதி, கிங் பன பா⁴விதகாயஸ்ஸ பா⁴விதஸீலஸ்ஸ பா⁴விதசித்தஸ்ஸ பா⁴விதபஞ்ஞஸ்ஸ சதுத்த²ஜ்ஜா²னங் ஸமாபன்னஸ்ஸ அஸ்ஸாஸபஸ்ஸாஸா ந நிருஜ்ஜி²ஸ்ஸந்தீ’’தி.
11. Rājā āha ‘‘bhante nāgasena, tumhe evaṃ bhaṇatha ‘sakkā assāsapassāse nirodhetu’’’nti? ‘‘Āma, mahārāja, sakkā assāsapassāse nirodhetu’’nti. ‘‘Kathaṃ, bhante nāgasena, sakkā assāsapassāse nirodhetu’’nti. ‘‘Taṃ kiṃ maññasi, mahārāja, sutapubbo te koci kākacchamāno’’ti. ‘‘Āma, bhante, sutapubbo’’ti. ‘‘Kiṃ nu kho, mahārāja, so saddo kāye namite virameyyā’’ti. ‘‘Āma, bhante, virameyyā’’ti. ‘‘So hi nāma, mahārāja, saddo abhāvitakāyassa abhāvitasīlassa abhāvitacittassa abhāvitapaññassa kāye namite viramissati, kiṃ pana bhāvitakāyassa bhāvitasīlassa bhāvitacittassa bhāvitapaññassa catutthajjhānaṃ samāpannassa assāsapassāsā na nirujjhissantī’’ti.
‘‘கல்லோஸி, ப⁴ந்தே நாக³ஸேனா’’தி.
‘‘Kallosi, bhante nāgasenā’’ti.
அஸ்ஸாஸபஸ்ஸாஸனிரோத⁴பஞ்ஹோ ஏகாத³ஸமோ.
Assāsapassāsanirodhapañho ekādasamo.
