| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೬. ಅಸ್ಸಜಿಸುತ್ತವಣ್ಣನಾ
6. Assajisuttavaṇṇanā
೮೮. ಪಸ್ಸಮ್ಭಿತ್ವಾತಿ ನಿರೋಧೇತ್ವಾ। ನೋ ಚ ಸ್ವಾಹನ್ತಿ ನೋ ಚ ಸು ಅಹಂ। ಪರಿಹಾಯಿ ಕುಪ್ಪಧಮ್ಮತ್ತಾ। ಏತನ್ತಿ ಸಮಾಧಿಮತ್ತಸಾರಂ, ಸೀಲಮತ್ತೇ ಪನ ವತ್ತಬ್ಬಮೇವ ನತ್ಥಿ। ಕಥಂ ಹೋತೀತಿ ಕಥಂ ಅಭಿನನ್ದನಾ ಹೋತಿ। ದುಕ್ಖಂ ಪತ್ವಾತಿ ದುಕ್ಖುಪ್ಪತ್ತಿಹೇತು ಸುಖಂ ಪತ್ಥೇತಿ ‘‘ಏವಂ ಮೇ ದುಕ್ಖಪರಿಳಾಹೋ ನ ಭವಿಸ್ಸತೀ’’ತಿ। ಯದಗ್ಗೇನಾತಿ ಯೇನ ಭಾಗೇನ। ‘‘ದುಕ್ಖಂ ಪತ್ಥೇತಿಯೇವಾ’’ತಿ ವತ್ವಾ ತತ್ಥ ಕಾರಣಮಾಹ ‘‘ಸುಖವಿಪರಿಣಾಮೇನ ಹೀ’’ತಿಆದಿ। ಸುಖವಿಪರಿವತ್ತೇ ಸುಖವಿಪರಿಣಾಮದುಕ್ಖಂ, ತಸ್ಮಾ ಸುಖಂ ಅಭಿನನ್ದನ್ತೋ ಅತ್ಥತೋ ದುಕ್ಖಂ ಅಭಿನನ್ದತಿ ನಾಮ।
88.Passambhitvāti nirodhetvā. No ca svāhanti no ca su ahaṃ. Parihāyi kuppadhammattā. Etanti samādhimattasāraṃ, sīlamatte pana vattabbameva natthi. Kathaṃ hotīti kathaṃ abhinandanā hoti. Dukkhaṃ patvāti dukkhuppattihetu sukhaṃ pattheti ‘‘evaṃ me dukkhapariḷāho na bhavissatī’’ti. Yadaggenāti yena bhāgena. ‘‘Dukkhaṃ patthetiyevā’’ti vatvā tattha kāraṇamāha ‘‘sukhavipariṇāmena hī’’tiādi. Sukhaviparivatte sukhavipariṇāmadukkhaṃ, tasmā sukhaṃ abhinandanto atthato dukkhaṃ abhinandati nāma.
ಅಸ್ಸಜಿಸುತ್ತವಣ್ಣನಾ ನಿಟ್ಠಿತಾ।
Assajisuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೬. ಅಸ್ಸಜಿಸುತ್ತಂ • 6. Assajisuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೬. ಅಸ್ಸಜಿಸುತ್ತವಣ್ಣನಾ • 6. Assajisuttavaṇṇanā
