| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. အသ္သာဇာနီယသုတ္တဝဏ္ဏနာ
3. Assājānīyasuttavaṇṇanā
၁၃. တတိယေ အင္ဂေဟီတိ ဂုဏင္ဂေဟိ။ တသ္သံ ဒိသာယံ ဇာတော ဟောတီတိ တသ္သံ သိန္ဓုနဒီတီရဒိသာယံ ဇာတော ဟောတိ။ အညေပိ ဘဒ္ရာ အသ္သာဇာနီယာ တတ္ထေဝ ဇာယန္တိ။ အလ္လံ ဝာ သုက္ခံ ဝာတိ အလ္လတိဏံ ဝာ သုက္ခတိဏံ ဝာ။ နာညေ အသ္သေ ဥဗ္ဗေဇေတာတိ အညေ အသ္သေ န ဥဗ္ဗေဇေတိ န ပဟရတိ န ဍံသတိ န ကလဟံ ကရောတိ။ သာဌေယ္ယာနီတိ သဌဘာဝော။ ကူဋေယ္ယာနီတိ ကူဋဘာဝော။ ဇိမ္ဟေယ္ယာနီတိ ဇိမ္ဟဘာဝော။ ဝင္ကေယ္ယာနီတိ ဝင္ကဘာဝာ။ ဣစ္စသ္သ စတူဟိပိ ပဒေဟိ အသိက္ခိတဘာဝောဝ ကထိတော ။ ဝာဟီတိ ဝဟနသဘာဝော ဒိန္နောဝာဒပဋိကရော။ ယာဝ ဇီဝိတမရဏပရိယာဒာနာတိ ယာဝ ဇီဝိတသ္သ မရဏေန ပရိယောသာနာ။ သက္ကစ္စံ ပရိဘုဉ္ဇတီတိ အမတံ ဝိယ ပစ္စဝေက္ခိတ္ဝာ ပရိဘုဉ္ဇတိ။ ပုရိသထာမေနာတိအာဒီသု ဉာဏထာမာဒယော ကထိတာ။ သဏ္ဌာနန္တိ ဩသက္ကနံ ပဋိပ္ပသ္သဒ္ဓိ။
13. Tatiye aṅgehīti guṇaṅgehi. Tassaṃ disāyaṃ jāto hotīti tassaṃ sindhunadītīradisāyaṃ jāto hoti. Aññepi bhadrā assājānīyā tattheva jāyanti. Allaṃ vā sukkhaṃ vāti allatiṇaṃ vā sukkhatiṇaṃ vā. Nāññe asse ubbejetāti aññe asse na ubbejeti na paharati na ḍaṃsati na kalahaṃ karoti. Sāṭheyyānīti saṭhabhāvo. Kūṭeyyānīti kūṭabhāvo. Jimheyyānīti jimhabhāvo. Vaṅkeyyānīti vaṅkabhāvā. Iccassa catūhipi padehi asikkhitabhāvova kathito . Vāhīti vahanasabhāvo dinnovādapaṭikaro. Yāvajīvitamaraṇapariyādānāti yāva jīvitassa maraṇena pariyosānā. Sakkaccaṃ paribhuñjatīti amataṃ viya paccavekkhitvā paribhuñjati. Purisathāmenātiādīsu ñāṇathāmādayo kathitā. Saṇṭhānanti osakkanaṃ paṭippassaddhi.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. အသ္သာဇာနီယသုတ္တံ • 3. Assājānīyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၃-၄. အသ္သာဇာနီယသုတ္တာဒိဝဏ္ဏနာ • 3-4. Assājānīyasuttādivaṇṇanā
