| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਅਸ੍ਸਦ੍ਧਸਂਸਨ੍ਦਨਸੁਤ੍ਤવਣ੍ਣਨਾ
7. Assaddhasaṃsandanasuttavaṇṇanā
੧੦੧. ਸਤ੍ਤਮੇ ਅਸ੍ਸਦ੍ਧਾ ਅਸ੍ਸਦ੍ਧੇਹੀਤਿਆਦੀਸੁ ਬੁਦ੍ਧੇ વਾ ਧਮ੍ਮੇ વਾ ਸਙ੍ਘੇ વਾ ਸਦ੍ਧਾવਿਰਹਿਤਾ ਨਿਰੋਜਾ ਨਿਰਸਾ ਪੁਗ੍ਗਲਾ ਸਮੁਦ੍ਦਸ੍ਸ ਓਰਿਮਤੀਰੇ ਠਿਤਾ ਪਾਰਿਮਤੀਰੇਪਿ ਠਿਤੇਹਿ ਅਸ੍ਸਦ੍ਧੇਹਿ ਸਦ੍ਧਿਂ ਤਾਯ ਅਸ੍ਸਦ੍ਧਤਾਯ ਏਕਸਦਿਸਾ ਨਿਰਨ੍ਤਰਾ ਹੋਨ੍ਤਿ। ਤਥਾ ਅਹਿਰਿਕਾ ਭਿਨ੍ਨਮਰਿਯਾਦਾ ਅਲਜ੍ਜਿਪੁਗ੍ਗਲਾ ਅਹਿਰਿਕੇਹਿ, ਅਨੋਤ੍ਤਪ੍ਪਿਨੋ ਪਾਪਕਿਰਿਯਾਯ ਅਭਾਯਮਾਨਾ ਅਨੋਤ੍ਤਪ੍ਪੀਹਿ, ਅਪ੍ਪਸ੍ਸੁਤਾ ਸੁਤવਿਰਹਿਤਾ ਅਪ੍ਪਸ੍ਸੁਤੇਹਿ, ਕੁਸੀਤਾ ਆਲਸਿਯਪੁਗ੍ਗਲਾ ਕੁਸੀਤੇਹਿ, ਮੁਟ੍ਠਸ੍ਸਤਿਨੋ ਭਤ੍ਤਨਿਕ੍ਖਿਤ੍ਤਕਾਕਮਂਸਨਿਕ੍ਖਿਤ੍ਤਸਿਙ੍ਗਾਲਸਦਿਸਾ ਮੁਟ੍ਠਸ੍ਸਤੀਹਿ, ਦੁਪ੍ਪਞ੍ਞਾ ਖਨ੍ਧਾਦਿਪਰਿਚ੍ਛੇਦਿਕਾਯ ਪਞ੍ਞਾਯ ਅਭਾવੇਨ ਨਿਪ੍ਪਞ੍ਞਾ ਤਾਦਿਸੇਹੇવ ਦੁਪ੍ਪਞ੍ਞੇਹਿ, ਸਦ੍ਧਾਸਮ੍ਪਨ੍ਨਾ ਚੇਤਿਯવਨ੍ਦਨਾਦਿਕਿਚ੍ਚਪਸੁਤਾ ਸਦ੍ਧੇਹਿ, ਹਿਰਿਮਨਾ ਲਜ੍ਜਿਪੁਗ੍ਗਲਾ ਹਿਰਿਮਨੇਹਿ, ਓਤ੍ਤਪ੍ਪਿਨੋ ਪਾਪਭੀਰੁਕਾ ਓਤ੍ਤਪ੍ਪੀਹਿ, ਬਹੁਸ੍ਸੁਤਾ ਸੁਤਧਰਾ ਆਗਮਧਰਾ ਤਨ੍ਤਿਪਾਲਕਾ વਂਸਾਨੁਰਕ੍ਖਕਾ ਬਹੁਸ੍ਸੁਤੇਹਿ, ਆਰਦ੍ਧવੀਰਿਯਾ ਪਰਿਪੁਣ੍ਣਪਰਕ੍ਕਮਾ ਆਰਦ੍ਧવੀਰਿਯੇਹਿ, ਉਪਟ੍ਠਿਤਸ੍ਸਤੀ ਸਬ੍ਬਕਿਚ੍ਚਪਰਿਗ੍ਗਾਹਿਕਾਯ ਸਤਿਯਾ ਸਮਨ੍ਨਾਗਤਾ ਉਪਟ੍ਠਿਤਸ੍ਸਤੀਹਿ, ਪਞ੍ਞવਨ੍ਤੋ ਮਹਾਪਞ੍ਞੇਹਿ વਜਿਰੂਪਮਞਾਣੇਹਿ ਪਞ੍ਞવਨ੍ਤੇਹਿ ਸਦ੍ਧਿਂ ਦੂਰੇ ਠਿਤਾਪਿ ਤਾਯ ਪਞ੍ਞਾਸਮ੍ਪਤ੍ਤਿਯਾ ਸਂਸਨ੍ਦਨ੍ਤਿ ਸਮੇਨ੍ਤਿ। ਸਤ੍ਤਮਂ।
101. Sattame assaddhā assaddhehītiādīsu buddhe vā dhamme vā saṅghe vā saddhāvirahitā nirojā nirasā puggalā samuddassa orimatīre ṭhitā pārimatīrepi ṭhitehi assaddhehi saddhiṃ tāya assaddhatāya ekasadisā nirantarā honti. Tathā ahirikā bhinnamariyādā alajjipuggalā ahirikehi, anottappino pāpakiriyāya abhāyamānā anottappīhi, appassutā sutavirahitā appassutehi, kusītā ālasiyapuggalā kusītehi, muṭṭhassatino bhattanikkhittakākamaṃsanikkhittasiṅgālasadisā muṭṭhassatīhi, duppaññā khandhādiparicchedikāya paññāya abhāvena nippaññā tādiseheva duppaññehi, saddhāsampannā cetiyavandanādikiccapasutā saddhehi, hirimanā lajjipuggalā hirimanehi, ottappino pāpabhīrukā ottappīhi, bahussutā sutadharā āgamadharā tantipālakā vaṃsānurakkhakā bahussutehi, āraddhavīriyā paripuṇṇaparakkamā āraddhavīriyehi, upaṭṭhitassatī sabbakiccapariggāhikāya satiyā samannāgatā upaṭṭhitassatīhi, paññavanto mahāpaññehi vajirūpamañāṇehi paññavantehi saddhiṃ dūre ṭhitāpi tāya paññāsampattiyā saṃsandanti samenti. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਅਸ੍ਸਦ੍ਧਸਂਸਨ੍ਦਨਸੁਤ੍ਤਂ • 7. Assaddhasaṃsandanasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਅਸ੍ਸਦ੍ਧਸਂਸਨ੍ਦਨਸੁਤ੍ਤવਣ੍ਣਨਾ • 7. Assaddhasaṃsandanasuttavaṇṇanā
