| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೭. ಅಸ್ಸದ್ಧಸಂಸನ್ದನಸುತ್ತವಣ್ಣನಾ
7. Assaddhasaṃsandanasuttavaṇṇanā
೧೦೧. ಸತ್ತಮೇ ಅಸ್ಸದ್ಧಾ ಅಸ್ಸದ್ಧೇಹೀತಿಆದೀಸು ಬುದ್ಧೇ ವಾ ಧಮ್ಮೇ ವಾ ಸಙ್ಘೇ ವಾ ಸದ್ಧಾವಿರಹಿತಾ ನಿರೋಜಾ ನಿರಸಾ ಪುಗ್ಗಲಾ ಸಮುದ್ದಸ್ಸ ಓರಿಮತೀರೇ ಠಿತಾ ಪಾರಿಮತೀರೇಪಿ ಠಿತೇಹಿ ಅಸ್ಸದ್ಧೇಹಿ ಸದ್ಧಿಂ ತಾಯ ಅಸ್ಸದ್ಧತಾಯ ಏಕಸದಿಸಾ ನಿರನ್ತರಾ ಹೋನ್ತಿ। ತಥಾ ಅಹಿರಿಕಾ ಭಿನ್ನಮರಿಯಾದಾ ಅಲಜ್ಜಿಪುಗ್ಗಲಾ ಅಹಿರಿಕೇಹಿ, ಅನೋತ್ತಪ್ಪಿನೋ ಪಾಪಕಿರಿಯಾಯ ಅಭಾಯಮಾನಾ ಅನೋತ್ತಪ್ಪೀಹಿ, ಅಪ್ಪಸ್ಸುತಾ ಸುತವಿರಹಿತಾ ಅಪ್ಪಸ್ಸುತೇಹಿ, ಕುಸೀತಾ ಆಲಸಿಯಪುಗ್ಗಲಾ ಕುಸೀತೇಹಿ, ಮುಟ್ಠಸ್ಸತಿನೋ ಭತ್ತನಿಕ್ಖಿತ್ತಕಾಕಮಂಸನಿಕ್ಖಿತ್ತಸಿಙ್ಗಾಲಸದಿಸಾ ಮುಟ್ಠಸ್ಸತೀಹಿ, ದುಪ್ಪಞ್ಞಾ ಖನ್ಧಾದಿಪರಿಚ್ಛೇದಿಕಾಯ ಪಞ್ಞಾಯ ಅಭಾವೇನ ನಿಪ್ಪಞ್ಞಾ ತಾದಿಸೇಹೇವ ದುಪ್ಪಞ್ಞೇಹಿ, ಸದ್ಧಾಸಮ್ಪನ್ನಾ ಚೇತಿಯವನ್ದನಾದಿಕಿಚ್ಚಪಸುತಾ ಸದ್ಧೇಹಿ, ಹಿರಿಮನಾ ಲಜ್ಜಿಪುಗ್ಗಲಾ ಹಿರಿಮನೇಹಿ, ಓತ್ತಪ್ಪಿನೋ ಪಾಪಭೀರುಕಾ ಓತ್ತಪ್ಪೀಹಿ, ಬಹುಸ್ಸುತಾ ಸುತಧರಾ ಆಗಮಧರಾ ತನ್ತಿಪಾಲಕಾ ವಂಸಾನುರಕ್ಖಕಾ ಬಹುಸ್ಸುತೇಹಿ, ಆರದ್ಧವೀರಿಯಾ ಪರಿಪುಣ್ಣಪರಕ್ಕಮಾ ಆರದ್ಧವೀರಿಯೇಹಿ, ಉಪಟ್ಠಿತಸ್ಸತೀ ಸಬ್ಬಕಿಚ್ಚಪರಿಗ್ಗಾಹಿಕಾಯ ಸತಿಯಾ ಸಮನ್ನಾಗತಾ ಉಪಟ್ಠಿತಸ್ಸತೀಹಿ, ಪಞ್ಞವನ್ತೋ ಮಹಾಪಞ್ಞೇಹಿ ವಜಿರೂಪಮಞಾಣೇಹಿ ಪಞ್ಞವನ್ತೇಹಿ ಸದ್ಧಿಂ ದೂರೇ ಠಿತಾಪಿ ತಾಯ ಪಞ್ಞಾಸಮ್ಪತ್ತಿಯಾ ಸಂಸನ್ದನ್ತಿ ಸಮೇನ್ತಿ। ಸತ್ತಮಂ।
101. Sattame assaddhā assaddhehītiādīsu buddhe vā dhamme vā saṅghe vā saddhāvirahitā nirojā nirasā puggalā samuddassa orimatīre ṭhitā pārimatīrepi ṭhitehi assaddhehi saddhiṃ tāya assaddhatāya ekasadisā nirantarā honti. Tathā ahirikā bhinnamariyādā alajjipuggalā ahirikehi, anottappino pāpakiriyāya abhāyamānā anottappīhi, appassutā sutavirahitā appassutehi, kusītā ālasiyapuggalā kusītehi, muṭṭhassatino bhattanikkhittakākamaṃsanikkhittasiṅgālasadisā muṭṭhassatīhi, duppaññā khandhādiparicchedikāya paññāya abhāvena nippaññā tādiseheva duppaññehi, saddhāsampannā cetiyavandanādikiccapasutā saddhehi, hirimanā lajjipuggalā hirimanehi, ottappino pāpabhīrukā ottappīhi, bahussutā sutadharā āgamadharā tantipālakā vaṃsānurakkhakā bahussutehi, āraddhavīriyā paripuṇṇaparakkamā āraddhavīriyehi, upaṭṭhitassatī sabbakiccapariggāhikāya satiyā samannāgatā upaṭṭhitassatīhi, paññavanto mahāpaññehi vajirūpamañāṇehi paññavantehi saddhiṃ dūre ṭhitāpi tāya paññāsampattiyā saṃsandanti samenti. Sattamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೭. ಅಸ್ಸದ್ಧಸಂಸನ್ದನಸುತ್ತಂ • 7. Assaddhasaṃsandanasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೭. ಅಸ್ಸದ್ಧಸಂಸನ್ದನಸುತ್ತವಣ್ಣನಾ • 7. Assaddhasaṃsandanasuttavaṇṇanā
