| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. અસ્સદ્ધસંસન્દનસુત્તવણ્ણના
7. Assaddhasaṃsandanasuttavaṇṇanā
૧૦૧. સત્તમે અસ્સદ્ધા અસ્સદ્ધેહીતિઆદીસુ બુદ્ધે વા ધમ્મે વા સઙ્ઘે વા સદ્ધાવિરહિતા નિરોજા નિરસા પુગ્ગલા સમુદ્દસ્સ ઓરિમતીરે ઠિતા પારિમતીરેપિ ઠિતેહિ અસ્સદ્ધેહિ સદ્ધિં તાય અસ્સદ્ધતાય એકસદિસા નિરન્તરા હોન્તિ. તથા અહિરિકા ભિન્નમરિયાદા અલજ્જિપુગ્ગલા અહિરિકેહિ, અનોત્તપ્પિનો પાપકિરિયાય અભાયમાના અનોત્તપ્પીહિ, અપ્પસ્સુતા સુતવિરહિતા અપ્પસ્સુતેહિ, કુસીતા આલસિયપુગ્ગલા કુસીતેહિ, મુટ્ઠસ્સતિનો ભત્તનિક્ખિત્તકાકમંસનિક્ખિત્તસિઙ્ગાલસદિસા મુટ્ઠસ્સતીહિ, દુપ્પઞ્ઞા ખન્ધાદિપરિચ્છેદિકાય પઞ્ઞાય અભાવેન નિપ્પઞ્ઞા તાદિસેહેવ દુપ્પઞ્ઞેહિ, સદ્ધાસમ્પન્ના ચેતિયવન્દનાદિકિચ્ચપસુતા સદ્ધેહિ, હિરિમના લજ્જિપુગ્ગલા હિરિમનેહિ, ઓત્તપ્પિનો પાપભીરુકા ઓત્તપ્પીહિ, બહુસ્સુતા સુતધરા આગમધરા તન્તિપાલકા વંસાનુરક્ખકા બહુસ્સુતેહિ, આરદ્ધવીરિયા પરિપુણ્ણપરક્કમા આરદ્ધવીરિયેહિ, ઉપટ્ઠિતસ્સતી સબ્બકિચ્ચપરિગ્ગાહિકાય સતિયા સમન્નાગતા ઉપટ્ઠિતસ્સતીહિ, પઞ્ઞવન્તો મહાપઞ્ઞેહિ વજિરૂપમઞાણેહિ પઞ્ઞવન્તેહિ સદ્ધિં દૂરે ઠિતાપિ તાય પઞ્ઞાસમ્પત્તિયા સંસન્દન્તિ સમેન્તિ. સત્તમં.
101. Sattame assaddhā assaddhehītiādīsu buddhe vā dhamme vā saṅghe vā saddhāvirahitā nirojā nirasā puggalā samuddassa orimatīre ṭhitā pārimatīrepi ṭhitehi assaddhehi saddhiṃ tāya assaddhatāya ekasadisā nirantarā honti. Tathā ahirikā bhinnamariyādā alajjipuggalā ahirikehi, anottappino pāpakiriyāya abhāyamānā anottappīhi, appassutā sutavirahitā appassutehi, kusītā ālasiyapuggalā kusītehi, muṭṭhassatino bhattanikkhittakākamaṃsanikkhittasiṅgālasadisā muṭṭhassatīhi, duppaññā khandhādiparicchedikāya paññāya abhāvena nippaññā tādiseheva duppaññehi, saddhāsampannā cetiyavandanādikiccapasutā saddhehi, hirimanā lajjipuggalā hirimanehi, ottappino pāpabhīrukā ottappīhi, bahussutā sutadharā āgamadharā tantipālakā vaṃsānurakkhakā bahussutehi, āraddhavīriyā paripuṇṇaparakkamā āraddhavīriyehi, upaṭṭhitassatī sabbakiccapariggāhikāya satiyā samannāgatā upaṭṭhitassatīhi, paññavanto mahāpaññehi vajirūpamañāṇehi paññavantehi saddhiṃ dūre ṭhitāpi tāya paññāsampattiyā saṃsandanti samenti. Sattamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. અસ્સદ્ધસંસન્દનસુત્તં • 7. Assaddhasaṃsandanasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. અસ્સદ્ધસંસન્દનસુત્તવણ્ણના • 7. Assaddhasaṃsandanasuttavaṇṇanā
