| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. ཨསྶཱདསུཏྟཾ
4. Assādasuttaṃ
༡༢༩. བཱརཱཎསིཡཾ ཝིཧརནྟི ཨིསིཔཏནེ མིགདཱཡེ…པེ॰… ཨེཀམནྟཾ ནིསིནྣོ ཁོ ཨཱཡསྨཱ མཧཱཀོཊྛིཀོ ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘‘ཨཝིཛྫཱ, ཨཝིཛྫཱ’ཏི, ཨཱཝུསོ སཱརིཔུཏྟ, ཝུཙྩཏི། ཀཏམཱ ནུ ཁོ, ཨཱཝུསོ, ཨཝིཛྫཱ, ཀིཏྟཱཝཏཱ ཙ ཨཝིཛྫཱགཏོ ཧོཏཱི’’ཏི?
129. Bārāṇasiyaṃ viharanti isipatane migadāye…pe… ekamantaṃ nisinno kho āyasmā mahākoṭṭhiko āyasmantaṃ sāriputtaṃ etadavoca – ‘‘‘avijjā, avijjā’ti, āvuso sāriputta, vuccati. Katamā nu kho, āvuso, avijjā, kittāvatā ca avijjāgato hotī’’ti?
‘‘ཨིདྷཱཝུསོ ཨསྶུཏཝཱ པུཐུཛྫནོ རཱུཔསྶ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ ནཔྤཛཱནཱཏི། ཝེདནཱཡ…པེ॰… སཉྙཱཡ… སངྑཱརཱནཾ… ཝིཉྙཱཎསྶ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ ནཔྤཛཱནཱཏི། ཨཡཾ ཝུཙྩཏཱཝུསོ, ཨཝིཛྫཱ; ཨེཏྟཱཝཏཱ ཙ ཨཝིཛྫཱགཏོ ཧོཏཱི’’ཏི། ཙཏུཏྠཾ།
‘‘Idhāvuso assutavā puthujjano rūpassa assādañca ādīnavañca nissaraṇañca yathābhūtaṃ nappajānāti. Vedanāya…pe… saññāya… saṅkhārānaṃ… viññāṇassa assādañca ādīnavañca nissaraṇañca yathābhūtaṃ nappajānāti. Ayaṃ vuccatāvuso, avijjā; ettāvatā ca avijjāgato hotī’’ti. Catutthaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༡༠. སམུདཡདྷམྨསུཏྟཱདིཝཎྞནཱ • 1-10. Samudayadhammasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༡༠. སམུདཡདྷམྨསུཏྟཱདིཝཎྞནཱ • 1-10. Samudayadhammasuttādivaṇṇanā
