4. Asokapūjakattheraapadānaṃ

17.

‘‘Tivarāyaṃ ² pure ramme, rājuyyānaṃ ahu tadā;

Uyyānapālo tatthāsiṃ, rañño baddhacaro ahaṃ.

18.

‘‘Padumo nāma nāmena, sayambhū sappabho ahu;

Nisinnaṃ ⁴ puṇḍarīkamhi, chāyā na jahi taṃ muniṃ.

19.

‘‘Asokaṃ pupphitaṃ disvā, piṇḍibhāraṃ sudassanaṃ;

Buddhassa abhiropesiṃ, jalajuttamanāmino.

20.

‘‘Catunnavutito kappe, yaṃ pupphamabhiropayiṃ;

Duggatiṃ nābhijānāmi, buddhapūjāyidaṃ phalaṃ.

21.

‘‘Sattatiṃsamhito kappe, soḷasa araṇañjahā ⁶;

Sattaratanasampannā, cakkavattī mahabbalā.

22.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā asokapūjako thero imā gāthāyo abhāsitthāti.

Asokapūjakattherassāpadānaṃ catutthaṃ.