| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၆. အာသဝသုတ္တံ
6. Āsavasuttaṃ
၁၈၃. ‘‘သာသဝဉ္စ ဝော, ဘိက္ခဝေ, ဓမ္မံ ဒေသေသ္သာမိ အနာသဝဉ္စ။ တံ သုဏာထ။ပေ.။ ကတမော စ, ဘိက္ခဝေ, သာသဝော ဓမ္မော? ပာဏာတိပာတော။ပေ.။ မိစ္ဆာဒိဋ္ဌိ – အယံ ဝုစ္စတိ, ဘိက္ခဝေ, သာသဝော ဓမ္မော။
183. ‘‘Sāsavañca vo, bhikkhave, dhammaṃ desessāmi anāsavañca. Taṃ suṇātha…pe… katamo ca, bhikkhave, sāsavo dhammo? Pāṇātipāto…pe… micchādiṭṭhi – ayaṃ vuccati, bhikkhave, sāsavo dhammo.
‘‘ကတမော စ, ဘိက္ခဝေ, အနာသဝော ဓမ္မော? ပာဏာတိပာတာ ဝေရမဏီ။ပေ.။ သမ္မာဒိဋ္ဌိ – အယံ ဝုစ္စတိ, ဘိက္ခဝေ, အနာသဝော ဓမ္မော’’တိ။ ဆဋ္ဌံ။
‘‘Katamo ca, bhikkhave, anāsavo dhammo? Pāṇātipātā veramaṇī…pe… sammādiṭṭhi – ayaṃ vuccati, bhikkhave, anāsavo dhammo’’ti. Chaṭṭhaṃ.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄၄. ဗ္ရာဟ္မဏပစ္စောရောဟဏီသုတ္တာဒိဝဏ္ဏနာ • 1-44. Brāhmaṇapaccorohaṇīsuttādivaṇṇanā
