| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. ཨཱསཝཀྑཡསུཏྟཾ
10. Āsavakkhayasuttaṃ
༧༠. ‘‘པཉྩིམེ, བྷིཀྑཝེ, དྷམྨཱ བྷཱཝིཏཱ བཧུལཱིཀཏཱ ཨཱསཝཱནཾ ཁཡཱཡ སཾཝཏྟནྟི། ཀཏམེ པཉྩ? ཨིདྷ, བྷིཀྑཝེ, བྷིཀྑུ ཨསུབྷཱནུཔསྶཱི ཀཱཡེ ཝིཧརཏི, ཨཱཧཱརེ པཊིཀཱུལསཉྙཱི , སབྦལོཀེ ཨནབྷིརཏསཉྙཱི, སབྦསངྑཱརེསུ ཨནིཙྩཱནུཔསྶཱི, མརཎསཉྙཱ ཁོ པནསྶ ཨཛ྄ཛྷཏྟཾ སཱུཔཊྛིཏཱ ཧོཏི། ཨིམེ ཁོ, བྷིཀྑཝེ, པཉྩ དྷམྨཱ བྷཱཝིཏཱ བཧུལཱིཀཏཱ ཨཱསཝཱནཾ ཁཡཱཡ སཾཝཏྟནྟཱི’’ཏི། དསམཾ།
70. ‘‘Pañcime, bhikkhave, dhammā bhāvitā bahulīkatā āsavānaṃ khayāya saṃvattanti. Katame pañca? Idha, bhikkhave, bhikkhu asubhānupassī kāye viharati, āhāre paṭikūlasaññī , sabbaloke anabhiratasaññī, sabbasaṅkhāresu aniccānupassī, maraṇasaññā kho panassa ajjhattaṃ sūpaṭṭhitā hoti. Ime kho, bhikkhave, pañca dhammā bhāvitā bahulīkatā āsavānaṃ khayāya saṃvattantī’’ti. Dasamaṃ.
སཉྙཱཝགྒོ དུཏིཡོ།
Saññāvaggo dutiyo.
ཏསྶུདྡཱནཾ –
Tassuddānaṃ –
དྭེ ཙ སཉྙཱ དྭེ ཝཌྜྷཱི ཙ, སཱཀཙྪེན ཙ སཱཛཱིཝཾ།
Dve ca saññā dve vaḍḍhī ca, sākacchena ca sājīvaṃ;
ཨིདྡྷིཔཱདཱ ཙ དྭེ ཝུཏྟཱ, ནིབྦིདཱ ཙཱསཝཀྑཡཱཏི༎
Iddhipādā ca dve vuttā, nibbidā cāsavakkhayāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧-༡༠. པཋམཨིདྡྷིཔཱདསུཏྟཱདིཝཎྞནཱ • 7-10. Paṭhamaiddhipādasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦-༡༠. སཱཛཱིཝསུཏྟཱདིཝཎྞནཱ • 6-10. Sājīvasuttādivaṇṇanā
