| Library / Tipiṭaka / තිපිටක • Tipiṭaka / අඞ්ගුත්තරනිකාය • Aṅguttaranikāya |
10. ආසවක්ඛයසුත්තං
10. Āsavakkhayasuttaṃ
122. ‘‘දසයිමෙ, භික්ඛවෙ, ධම්මා භාවිතා බහුලීකතා ආසවානං ඛයාය සංවත්තන්ති. කතමෙ දස? සම්මාදිට්ඨි, සම්මාසඞ්කප්පො, සම්මාවාචා, සම්මාකම්මන්තො, සම්මාආජීවො, සම්මාවායාමො, සම්මාසති, සම්මාසමාධි, සම්මාඤාණං , සම්මාවිමුත්ති – ඉමෙ ඛො , භික්ඛවෙ, දස ධම්මා භාවිතා බහුලීකතා ආසවානං ඛයාය සංවත්තන්තී’’ති. දසමං.
122. ‘‘Dasayime, bhikkhave, dhammā bhāvitā bahulīkatā āsavānaṃ khayāya saṃvattanti. Katame dasa? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ , sammāvimutti – ime kho , bhikkhave, dasa dhammā bhāvitā bahulīkatā āsavānaṃ khayāya saṃvattantī’’ti. Dasamaṃ.
පච්චොරොහණිවග්ගො දුතියො.
Paccorohaṇivaggo dutiyo.
තස්සුද්දානං –
Tassuddānaṃ –
තයො අධම්මා අජිතො, සඞ්ගාරවො ච ඔරිමං;
Tayo adhammā ajito, saṅgāravo ca orimaṃ;
ද්වෙ චෙව පච්චොරොහණී, පුබ්බඞ්ගමං ආසවක්ඛයොති.
Dve ceva paccorohaṇī, pubbaṅgamaṃ āsavakkhayoti.
Related texts:
ටීකා • Tīkā / සුත්තපිටක (ටීකා) • Suttapiṭaka (ṭīkā) / අඞ්ගුත්තරනිකාය (ටීකා) • Aṅguttaranikāya (ṭīkā) / 5-42. සඞ්ගාරවසුත්තාදිවණ්ණනා • 5-42. Saṅgāravasuttādivaṇṇanā
