| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၀. အာသဝက္ခယသုတ္တံ
10. Āsavakkhayasuttaṃ
၁၂၂. ‘‘ဒသယိမေ, ဘိက္ခဝေ, ဓမ္မာ ဘာဝိတာ ဗဟုလီကတာ အာသဝာနံ ခယာယ သံဝတ္တန္တိ။ ကတမေ ဒသ? သမ္မာဒိဋ္ဌိ, သမ္မာသင္ကပ္ပော, သမ္မာဝာစာ, သမ္မာကမ္မန္တော, သမ္မာအာဇီဝော, သမ္မာဝာယာမော, သမ္မာသတိ, သမ္မာသမာဓိ, သမ္မာဉာဏံ , သမ္မာဝိမုတ္တိ – ဣမေ ခော , ဘိက္ခဝေ, ဒသ ဓမ္မာ ဘာဝိတာ ဗဟုလီကတာ အာသဝာနံ ခယာယ သံဝတ္တန္တီ’’တိ။ ဒသမံ။
122. ‘‘Dasayime, bhikkhave, dhammā bhāvitā bahulīkatā āsavānaṃ khayāya saṃvattanti. Katame dasa? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ , sammāvimutti – ime kho , bhikkhave, dasa dhammā bhāvitā bahulīkatā āsavānaṃ khayāya saṃvattantī’’ti. Dasamaṃ.
ပစ္စောရောဟဏိဝဂ္ဂော ဒုတိယော။
Paccorohaṇivaggo dutiyo.
တသ္သုဒ္ဒာနံ –
Tassuddānaṃ –
တယော အဓမ္မာ အဇိတော၊ သင္ဂာရဝော စ ဩရိမံ။
Tayo adhammā ajito, saṅgāravo ca orimaṃ;
ဒ္ဝေ စေဝ ပစ္စောရောဟဏီ၊ ပုဗ္ဗင္ဂမံ အာသဝက္ခယောတိ။
Dve ceva paccorohaṇī, pubbaṅgamaṃ āsavakkhayoti.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅-၄၂. သင္ဂာရဝသုတ္တာဒိဝဏ္ဏနာ • 5-42. Saṅgāravasuttādivaṇṇanā
