| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౧౦. ఆసవక్ఖయసుత్తం
10. Āsavakkhayasuttaṃ
౭౦. ‘‘పఞ్చిమే, భిక్ఖవే, ధమ్మా భావితా బహులీకతా ఆసవానం ఖయాయ సంవత్తన్తి. కతమే పఞ్చ? ఇధ, భిక్ఖవే, భిక్ఖు అసుభానుపస్సీ కాయే విహరతి, ఆహారే పటికూలసఞ్ఞీ , సబ్బలోకే అనభిరతసఞ్ఞీ, సబ్బసఙ్ఖారేసు అనిచ్చానుపస్సీ, మరణసఞ్ఞా ఖో పనస్స అజ్ఝత్తం సూపట్ఠితా హోతి. ఇమే ఖో, భిక్ఖవే, పఞ్చ ధమ్మా భావితా బహులీకతా ఆసవానం ఖయాయ సంవత్తన్తీ’’తి. దసమం.
70. ‘‘Pañcime, bhikkhave, dhammā bhāvitā bahulīkatā āsavānaṃ khayāya saṃvattanti. Katame pañca? Idha, bhikkhave, bhikkhu asubhānupassī kāye viharati, āhāre paṭikūlasaññī , sabbaloke anabhiratasaññī, sabbasaṅkhāresu aniccānupassī, maraṇasaññā kho panassa ajjhattaṃ sūpaṭṭhitā hoti. Ime kho, bhikkhave, pañca dhammā bhāvitā bahulīkatā āsavānaṃ khayāya saṃvattantī’’ti. Dasamaṃ.
సఞ్ఞావగ్గో దుతియో.
Saññāvaggo dutiyo.
తస్సుద్దానం –
Tassuddānaṃ –
ద్వే చ సఞ్ఞా ద్వే వడ్ఢీ చ, సాకచ్ఛేన చ సాజీవం;
Dve ca saññā dve vaḍḍhī ca, sākacchena ca sājīvaṃ;
ఇద్ధిపాదా చ ద్వే వుత్తా, నిబ్బిదా చాసవక్ఖయాతి.
Iddhipādā ca dve vuttā, nibbidā cāsavakkhayāti.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౭-౧౦. పఠమఇద్ధిపాదసుత్తాదివణ్ణనా • 7-10. Paṭhamaiddhipādasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౬-౧౦. సాజీవసుత్తాదివణ్ణనా • 6-10. Sājīvasuttādivaṇṇanā
